Վենգերը նշել է այն ակումբները, որոնցից պարբերաբար առաջարկներ է ստացել

Լոնդոնի «Արսենալի» նախկին գլխավոր մարզիչ Արսեն Վենգերը բրիտանական The Guardian-ին տված հարցազրույցում նշել է, թե որ ակումբներն են հետաքրքրված եղել իր ծառայություններով, երբ նա զբաղեցնում էր լոնդոնյան ակումբի գլխավոր մարզիչի պաշտոնը:

«Ես պարբերաբար առաջարկներ եմ ստացել «Բավարիայից», «Յուվենտուսից», «Բարսելոնայից», սակայն ես սիրում էի «Արսենալը» և երբեք չեմ մտածել ակումբից հեռանալու մասին:

Ինձ քննադատում էին «Արսենալի» մարտավարության համար, սակայն դա լավագույն մարտավարությունն էր, որը կարող էր օգտագործվել ակումբում»,- ասել է Վենգերը:

Հիշեցնենք, որ Արսեն Վենգերն «Արսենալը» մարզել է 1996-2018 թվականներին: