Ռոնալդուն հրաժարվել է պահպանել թիմային կարանտինը

Թուրինի «Յուվենտուսի» պորտուգալացի հարձակվող Կրիշտիանու Ռոնալդուն հրաժարվել է պահպանել թիմային կարանտինի կանոնները, հաղորդում է La Gazzetta dello Sport-ը:

35-ամյա ֆուտբոլիստը հանգստյան օրերին հեռացել է հյուրանոցից, որտեղ գտնվում էին «Յուվենտուսի» ֆուտբոլիստները: Ակումբի 2 աշխատակիցների մոտ կորոնավիրուսի հայտաբերումից հետո խաղացողները «փոկված» էին հյուրանոցում:

Ռոնալդուն հրաժարվել է մի քանի օր մնալ հյուրանոցում, քանի որ այդ դեպքում չէր կարողանա Պորտուգալիայի հավաքականի կազմում մասնակցել իսպանացիների դեմ ընկերական խաղին (0:0): «Նապոլիի» հետ հետաձգված խաղից հետո պորտուգալացին բղավել է ակումբի տնօրենների ու թիմակիցների ներկայությամբ և զայրացած հեռացել ստադիոնից: Այնուհետև նա մեկնել է Պորտուգալիա: Ռոնալդուի օրինակին հետևել են նաև Պաուլո Դիբալան, Խուան Կուադրադոն, Դանիլոն, Ռոբերտո Բետանկուրը և Մերիհ Դեմիրալը, որոնք նույնպես միացել են իրենց հավաքականներին, իսկ Ջանլուիջի Բուֆոնը մեկնել է տուն: Նշվում է, որ թիմի ճամբարը լքած ֆուտբոլիստների անունները կփոխանցվի դատախազություն:

«Յուվենտուսի» մյուս ֆուտբոլիստները հյուրանոցում մնացել են մինչև հոկտեմբերի 7-ը, ինչից հետո նրանց թույլ են տվել վերադառնալ տուն: