Պետդուման հնարավոր է համարել ռուս խաղաղապահների ներգրավումը Լեռնային Ղարաբաղում

Լեռնային Ղարաբաղում հակամարտությունը կարգավորելու համար այլ խաղաղապահներ ներգրավելու անհրաժեշտություն չկա` բացառությամբ ռուս կամ Հավաքական անվտանգության պայմանագրի կազմակերպության (ՀԱՊԿ) երկրները ներկայացնողներ խաղաղապահների, փոխանցում է «Ինտերֆաքս»-ը:

«Հաշվի առնելով հակամարտող երկու կողմերի կամքը` ես կարծում եմ, որ բացի ռուս եւ ՀԱՊԿ երկրները ներկայացնող խաղաղապահներից, այլ որեւէ մեկի ներգրավման անհրաժեշտություն չկա»,- ասել է Նովիկովը:

Նա հավելել է, որ Ռուսաստանի Դաշնությունը «չափազանց շահագրգռված է իրավիճակի կարգավորմամբ երկու բարեկամ ժողովուրդների միջեւ, եւ տարօրինակ կլիներ, եթե այս առիթով հանդես գայինք միայն քաղաքական հռչակագրերով եւ չմասնակցեինք խաղաղապահ գործողություններին, եթե դա անհրաժեշտ լինի»:

Իր հերթին, Պետդումայի ԱՊՀ գործերով կոմիտեի առաջին փոխնախագահ Վիկտոր Վոդոլացկին կարծում է, որ «Մերձդնեստրի փորձը, որտեղ ռուսական խաղաղապահ ուժեր են տեղակայվեցին, եւ այնտեղ մարտերն անմիջապես դադարեցին եւ նորմալ խաղաղ կյանքը սկսվեց»: «Հաշվի առնելով, որ Հայաստանը եւ Ադրբեջանը Ռուսաստանի համար հավասար են` ՄԱԿ-ի կողմից մանդատ ստացած խաղաղապահ ուժերի ռուսական զորախումբը կարող է հանգիստ հաստատվել այնտեղ եւ այդ գործընթացի կարգավորման երաշխիք դառնալ»,- ասել է Վոդոլացկին: Նա նշել է, որ «դա պետք է հենց միասին ռուսական, այլ ոչ թե այլ երկրների խաղաղապահների զորակազմ լինի»:

Ավելի վաղ ՀՀ վարչապետ Նիկոլ Փաշինյանը հայտարարել էր, որ Երեւանը չի քննարկում միջազգային խաղաղապահ ուժերի` ղարաբաղյան հակամարտության գոտի մտցնելու հնարավորությունը: «Մեր օրակարգում նման հարց չկա»,- ասել էր Փաշինյանը ռուսական լրատվամիջոցների ներկայացուցիչների հետ հանդիպմանը: