Փարիզում ձերբակալվել է անցորդներին դանակով վիրավորած տղամարդը

Փարիզում ձերբակալվել է սեպտեմբերի 25-ին դանակով 4 հոգու վիրավորած անձը։ Այդ մասին հաղորդել է մայրաքաղաքի ոստիկանությունը՝ տեղեկացնում է Interfax-ը։

Հարձակումը կատարվել է Փարիզի 11-րդ օկրուգում, «Շառլի Էբդո» ֆրանսիական հանդեսի նախկին խմբագրությունից ոչ հեռու:

Իր հերթին BFMTV հեռուստաալիքը սեպտեմբերի 25-ին ավելի վաղ հաղորդել էր, որ հարձակումը կատարել են երկու հոգի: Նրա տվյալներով՝ վիրավորներից երկուսը գտնվում են ծանր վիճակում: Le Figaro թերթը հաղորդել է, որ անհայտ տղամարդը դանակով վիրավորել է չորս մարդու և թաքնվել:

Ֆրանսիայի նախագահ Էմանուել Մակրոնը «Ելիսեյան պալատից ուշադիր հետևում է իրադրությանը»՝ նախագահական գրասենյակը հաղորդել է BFMTV հեռուստաալիքին: Այլ մեկնաբանություններ իշխանություններն առայժմ չեն տալիս։