на Русском
ՆԳ նախարարն ընդունել է ԵՄ պատվիրակության ղեկա... 
Մանասյանն ընդունել է Equal Right Trust հիմնադ... 
Նիկաս Սաֆրոնովի որդին Ռիտա Դակոտային օգնելու համար մեկնել է Թուրքիա
Օգոստոսի սկզբին երգչուհի Ռիտա Դակոտան եւ նրա սիրեցյալը՝ Ֆյոդոր Բելոգայը, կորոնավիրուսով են հիվանդացել։ Երիտասարդները վստահ էին, որ այժմ նրանք կարող են տեղաշարժվել աշխարհով մեկ առանց սահմանափակումների, քանի որ նրանց արյան մեջ առկա են հակամարմիններ: Այդ պատճառով սիրահարները որոշել են հանգստյան օրեր անցկացնել Թուրքիայում։ Փոքրիկ երեխային Դակոտան թողել է տատիկի խնամքի տակ։ Այժմ զույգը մնացել է Քեմերում COVID-19-ի դրական թեստի պատճառով:
Հայտնի ռուս նկարչի որդին հայտարարել է, որ ոչինչ չի իմացել երգչուհու մասին, սակայն որոշել է նրան դժբախտության մեջ չթողնել։
«Աղջկա, կնոջ մոտ իսկապես ողբերգություն է տեղի ունենում. երեխան մենակ է, նրանք միմյանցից բաժանված են, այդ պատճառով նրա մոտ վիշտ է։ Ես կարծում եմ, որ Թուրքիա մեկնելը եւ իրադարձությունների վայրում ամեն ինչ հասկանալը լավագույն լուծումը կլինի միայն այն պատճառով, որ ես գիտելիքների, կապերի, մարդկանց հսկայական գործիքակազմ ունեմ», — գրել է Լուկան։
Երիտասարդը դա բացատրել է նրանով, որ Բելեկում ավազանի հետ տեղի ունեցած միջադեպից հետո նա այժմ ըմբռնումով է մոտենում թուրքական հյուրանոցների ներկայացուցիչների հետ շփվելու հարցում։
Նրա խոսքով՝ Դակոտան արդեն երկրորդ անալիզն է հանձնել։ Նա հույս ունի, որ երգչուհուն վաղը տուն բաց կթողնեն։ «Ես խոսել եմ նաեւ նրա օգնականի հետ, թողել եմ իմ բոլոր կոորդինատները, ասել եմ, որ եթե հանկարծ ինչ-որ վարչական օգնություն է հարկավոր կամ նրա իրավիճակի մասին լուսաբանելու կարիք կա՝ ես պատրաստ եմ օգնել», — խոստացել է Զատրավկին:
