на Русском
Դավիթ Խուդաթյանը Լոռիում ծանոթացել է աղետի հե... 
Վարչապետը աշխատակազմին է ներկայացրել ՔԿ նորան... 
Հիմնովին լրամշակվել է բնության հատուկ պահպանվող տարածքների ոլորտը կանոնակարգող օրենքներից մեկը. «Հայաստանի Հանրապետություն»
«Հայաստանի Հանրապետություն» թերթը գրում է.
«Շրջակա միջավայրի պահպանման գործընթացի բարեփոխումներն անխուսափելիորեն պետք է սկսվեն իրավական դաշտի կատարելագործումից: Սրա անհրաժեշտության մասին բարձրաձայնում էին ոչ միայն քաղաքացիական հասարակության ներկայացուցիչները, այլև ոլորտի լիազոր մարմնի պատասխանատու մասնագետները:
Վերջին տարիների հետևողական աշխատանքի արդյունքում կուտակվել էին այնպիսի ծավալի անհրաժեշտ փոփոխություններ, որ Շրջակա միջավայրի նախարարությունն այսօր հանդես է եկել բնապահպանության մայր իրավական ակտերից մեկի՝ «Բնության հատուկ պահպանվող տարածքների մասին» օրենքի հիմնարար փոփոխությամբ, ըստ էության՝ նոր օրենքի ընդունմամբ:
Նախկին օրենքը գործում էր 2006 թվականից և կոսմետիկ, առանձին հոդվածներում փոփոխություններ կատարելն արդյունավետ չէր կարող լինել: Օրենսդրական այս բարեփոխումը նոր որակի վրա կբարձրացնի Հայաստանի 13 տոկոսից ավելի տարածքները զբաղեցնող ԲՀՊՏ-ների պահպանության և զարգացման գործընթացը, այն կհամապատասխանեցնի միջազգային արդի չափանիշներին:
Համալիր ձևով կկանոնակարգվեն շրջակա միջավայրի պահպանության գործընթացում պետական, տեղական մարմինների և հասարակական կազմակերպությունների գործողությունները, ինչը կբարձրացնի պահպանության և զարգացման արդյունավետությունը»,-գրում է թերթը:
Նյութն ամբողջությամբ կարդացեք թերթի այսօրվա համարում:
