Որոշել ենք, որ հենց պետությունն իր միջոցներով կկառուցի մետրոյի նոր կայարանը. Երևանի քաղաքապետ

Տրանսպորտային համակարգը մայրաքաղաքում փոխելու պրոցեսը սկսել ենք. 100 միկրոավտոբուսի մրցույթը կայացել է. ընդհանուր համակարգը խորհրդատուի կողմից տրվածի համաձայն ավտոբուսների քանակը 850-950 պետք է լինի: Այս մասին facebook-ի իր էջում տեղադրած տեսանյութում հայտնել է Երևանի քաղաքապետ։ Հայկ Մարությանը:

«Այս պրոցեսը կախված չէ միայն քաղաքապետարանից: Պրոցեսին շատ լուրջ մասնակցություն պետք է ունենա կառավարությունը: Այս առումով գիտեք, որ կառավարության եւ Եվրոպական զարգացման բանկի հետ համատեղ մենք տենդերը դրել ենք 12 մետրանոց ավտոբուսին: Եղել է երկու մասնակից, բայց երկուսն էլ չեմ համապատասխանել պայմաններին, դրա համար տենդերը համարվել է չկայացած: Հիմա աշխատում ենք նոր տենդերի վրա»,-ասաց նա:

Մետրոյի կառուցման համար, ըստ քաղաքապետի, փորձել են ներգրավել մասնավորի, որպեսզզի պետության վրա չլինի այդ հոգսը, բայց այն պայմանները, որ առաջարկել են տարբեր մասնավոր ընկերություններ, այնուամենայնիվ, հենց իր՝ քաղաքապետի կողմից գնահատվել են ոչ այդքան բարենպաստ քաղաքի ու պետության համար: 

«Կառավարության հետ եկել ենք ընդհանուր հայտարարի, որ հենց պետությունը կկառուցի այդ կայարանը: Պետական միջոցներով դա կարվի: Այս պահին մշակվում է նխագծի մրցույթը: Դրանից հետո կունենանք նախագիծ:

Մենք հաշվարկել ենք, խոսքը մոտ 35 մլն դոլարի մասին է: Կառավարությունը հավաստիացրել է, որ այդ գումարը կարող է տրամադրել մետրոյի կայարանի կառուցման համար»,-ասաց Մարությանը: