Լեդի Գագան սպանության կգնա

2021 թվականին էկրան կբարձրանա ռեժիսոր Ռիդլի Սքոթի («Գլադիատոր») քրեական դրաման, որի գլխավոր դերում հանդես կգա Լեդի Գագան։ Ֆիլմը, որը դեռ անուն չունի, փոփ աստղի համար երկրորդ փորձն է լինելու կինոյում։ 2018թ․-ին «Աստղը ծնվեց» երաժշտական մելոդրամայում նրա աշխատանքն արժանացել է հանրության եւ քննադատների բարձր գնահատականին, բայց հիմա Լեդի Գագան ստիպված կլինի սուզվել ոչ թե շոու-բիզնեսի աշխարհում, այլ մոդելային բիզնեսում:

Ֆիլմը պատմում է 1995 թվականին հայտնի կուտյուրյե Մաուրիցիո Գուչիի սպանության պատմությունը։ Դիզայներին սպանել է մարդասպանը, որին վարձել է նրա նախկին կինը՝ Պատրիցիա Ռեջանին։ Այդպես նա վրեժխնդիր է լինում նախկին ամուսնուց, երբ դիղայները կրկին պատրաստվում էր ամուսնանալ։ Նենգ կինը դատապարտվել է 29 տարվա ազատազրկման։ Բողոքարկումից հետո ժամկետը կրճատվել է երեք տարով։ Պատրիցիայի կերպարը կխաղա փոփ-աստղը։

Ամենայն հավանականությամբ, սկսնակ դերասանուհին ստիպված կլինի մրցել վարպետներ Ռոբերտ Դենիրոյի, Ալ Պաչինոյի եւ Ջարեդ Լետոյի հետ, որոնց հետ բանակցությունները MGM ստուդիայի պրոդյուսերների հետ, մոտ են ավարտին: Նկարահանումները կսկսվեն այն բանից հետո, երբ Ռիդլի Սքոթը կավարտի Մեթ Դեյմոնի եւ Բեն Աֆլեքի հետ «The Last Duel» պատմական թրիլլերում աշխատանքը (պրեմիերան նշանակված է 2021 թվականի հունվարի 6-ին):