ԱՄՆ-ում ամուսնալուծությունների թիվը կորոնավիրուսի համավարակի ընթացքում կտրուկ աճել է

ԱՄՆ-ում ամուսնալուծությունների թիվը կորոնավիրուսի համավարակի ընթացքում կտրուկ աճել է, քանի որ զույգերը ստիպված են եղել ամիսներով տանը մնալ, հայտնում է FoxNews-ը:

Legal Templates ընկերության նոր տվյալների համաձայն, մարտ-հունիս ամիսներին ամուսնալուծության դիմած անձանց թիվը 34%-ով ավելի է, քան 2019 թ.։ Սթրեսի, գործազրկության, ֆինանսական դժվարությունների, հարազատների մահվան, հիվանդությունների, երեխաների տնային ուսուցման, հոգեկան հիվանդությունների եւ այլնի համադրությունը հարաբերությունների համար զգալի բեռ է ստեղծում:

Տվյալները ցույց են տվել, որ զույգերի 31 տոկոսը խոստովանել է, որ մեկուսացումը անուղղելի վնաս է հասցրել իրենց հարաբերություններին:

Կարանտինի ժամանակ ամուսնալուծությունների գագաթնակետը ապրիլի 13-ին էր` նահագների մեծ մասի կողմից կարանտին մտցնելուց շուրջ 15-20 օր անց:

«Այս բռնկումը կարող է համընկնել այն բանի հետ, ինչը առողջապահության եւ սոցիալական ապահովման ոլորտի մասնագետներն անվանում են «հիասթափության փուլ»՝ մի ժամանակաշրջան, երբ լավատեսությունը վերածվում է հիասթափության, սթրեսը ուժեղանում է եւ հաճախ են բացասական ռեակցիաներ տեղի ունենում»,- կարծում է ընկերությունը:

Պարզվեց նաեւ, որ ամենից շատ տուժել են նորապսակները:

Փաստորեն, ամուսնալուծության ձգտող զույգերի 20 տոկոսը ամուսնացել է վերջին հինգ կամ ավելի քիչ ամիսների ընթացքում: «Սա ցույց է տալիս, որ երիտասարդ ամուսնական զույգերը ավելի քիչ էին պատրաստ հաղթահարել COVID-19 վիրուսի սթրեսները, քան հասուն ամուսինները»:

«Բացառված չէ, որ ամուսնալուծությունների մակարդակը շարունակի աճել, քանի որ զարգանում են տնտեսական, ֆինանսական, սոցիալական, ինստիտուցիոնալ եւ հոգեբանական ցնցումները, որոնք առաջացել են COVID-19 վիրուսից»,- եզրափակել է Legal Templates-ը։