Արտակարգ սեպտեմբերի 1. ինչպե՞ս անցավ ուսումնական տարվա առաջին օրը

Մի քիչ հուզված, բայց անհամբեր, թե ե՞րբ պետք է ուսանողի կարգավիճակ ստանան։ արտակարգ դրության պայմաններում, երեկ՝ սեպտեմբերի 1–ին, գիտելիքի և դպրության օրը՝ բուհերի դռները բաց էին միայն առաջին կուրսեցիների համար։

Կորոնավիրուսով պայմանավորված Երևանի պետական համալսարանի դիմաց հավաքված առաջին կուրսեցիների համար հանդիսավոր արարողություն չեղավ։ Արտակարգ դրության հայտարարումից ի վեր, Հայաստանում ուսումնական հաստատությունները հեռավար կրթության էին անցել։ Ուսումնական տարեսկզբից որոշվեց ուսումնական գործընթացը կազմակերպել առկա և հեռավար ձևերի համադրությամբ։

ԵՊՀ–ում դասընթացի սկիզբը սահմանվել է ժամը 10։00–ին, դասերի տևողությունը՝ 60 րոպե։ Յուրաքանչյուր ուսանողի համար առկա դասաժամերը պետք է կազմակերպվեն շաբաթական առավելագույնը 2 օր, օրական առավելագույնը 3 ժամ։ Մեկ ուսումնական մասնաշենքում միաժամանակ գտնվող ուսանողների թիվը չպետք է է գերազանցի 150–ը։

Երևանի Վալերի Բրյուսովի անվան պետական համալսարանում միջանցքները դատարկ էին, պատճառն այն է, որ նույնիսկ դասամիջոցներին խորհուրդ էր տրվել դասասենյակներից քիչ դուրս գալ, իհարկե, եթե դա խիստ անհրաժեշտ չէ։ Բոլորը պարտադիր ջերմաչափվում, ախտահանվում, հետո նոր կարող էին մուտք գործում համալսարան։ Ուսանողներն ու դասախոսները դասերին մասնակցում էին դիմակներով։

NEWS.am-ի հետ զրույցում բուհի ռեկտոր Կարինե Հարությունյանն ասաց, որ մինչև սեպտեմբերի 15–ը առաջին կուրսեցիները ամեն օր կհաճախեն համալսարան, ինչից հետո միայն գործնական դասապրոցեսների համար նրանք կայցելեն բուհ, տեսական դասընթացները կանցկացվեն հեռավար տարբերակով։

«Դա հնարավորություն կտա ազատել լսարանները՝ ավելի բարձր կուրսերին ընդունելու համար»,– ասաց տիկին Հարությունյանը։

Մանրամասները՝ News.am-ի տեսանյութում։