Աստղեր, որոնք չնայած ծանր հիվանդության մեծագույն հաջողության են հասել

Մեզանից ոչ մեկը հիվանդություններից ապահովագրված չէ։ Եթե որոշ հիվանդություններ ունեցող մարդիկ իրենց կարիերայի վրա խաչ են դնում, ապա մյուսները, այդ թվում աստղերը, հաջողության են հասնում՝ չնայած դրանց։

Մերելին Մոնրո․ բիպոլյար խանգարում

Նրանց, ում բախտ է վիճակվել նկարահանման հրապարակում աշխատել 20-րդ դարի ամենասեքսուալ կնոջ հետ, տարակուսել են. ինչու է Մերիլին Մոնրոն իրեն այդքան տարօրինակ պահում։ Մի օր հաճույքով է կատարում ռեժիսորի բոլոր կարգադրությունները, իսկ մյուս օրը՝ հակառակվում եւ քմահաճություններ էր անում։ Նրա տրամադրությունը օրը մի քանի անգամ փոխվում էր, ինչ-որ կերպ ընկնում էր էյֆորիայի, ապա զայրույթի մեջ: Մերիլինի բնավորության տարօրինակությունները բացատրվում էին երկբեւեռ խանգարմամբ (պարզ ասած՝ մանիկալ-դեպրեսիվ պսիխոզ), որով տառապում էր դերասանուհին: Ի դեպ, ոչ այնքան վաղուց, բժիշկները նման ախտորոշում են տվել մեկ այլ աստղի՝ Քեթրին Զետա-Ջոնսին։

Լեդի Գագա․ ֆիբրոմիալգիա

Լեդի Գագան հիվանդ է քրոնիկ հիվանդությամբ, որը կոչվում է ֆիբրոմիալգիա։ Այն ամբողջ մարմնում ցավ է առաջացնում, ավելացնում է հոգնածությունը, ցավի հանդեպ զգայունությունը եւ բարդ է բուժվում: Սակայն երգչուհին վախենում է ոչ այնքան հիվանդությունից, որքան դրա հետեւանքներից։ Բժիշկների խոսքով՝ ֆիբրոմիալգիան կարող է հանգեցնել անպտղության: «Հանկարծ ես չկարողանամ երեխա ունենալ, - հարցազրույցներից մեկում ասել է Լեդի Գագան։ - Ես վստահ եմ, որ կկարողանամ հղիանալ, բայց կհաջողվի այն տանել: Ինչ վերաբերում է կարիերային, ապա այն երգչուհու մոտ հաջող է չնայած հիվանդությանը, սակայն երբեմն նա ստիպված է լինում չեղյալ հայտարարել համերգները, նույնիսկ մի ամբողջ համաշխարհային շրջագայություն, ինչպես եղել է 2013 թվականին։ Այն ժամանակ Լեդի Գագան ընկել է հենց բեմի վրա, իսկ նրան հետազոտած բժիշկները որոշել են, որ անհրաժեշտ է շտապ վիրահատություն։

Քիմ Քարդաշյան․ փսորիազ

Քիմ Քարդաշյանի կյանքը թունավորող հիվանդությունը փսորիազ է։ Հայտնի աստղը տառապում է մաշկային հիվանդությամբ արդեն ավելի քան տասը տարի, եւ պապարացիները ձգտում են լուսանկարել Քիմի մարմնի հենց այն մասերը, որոնց վրա դրա հետեւանքները տեսանելի են անզեն աչքով: Քիմի խոսքով՝ հիվանդությունը նրա մոտ գրեթե ամբողջությամբ անցել էր 2013 թվականին դստեր՝ Նորթի ծնվելուց հետո, բայց երեք տարի անց սթրեսի պատճառով կրկին ի հայտ է եկել:

Այսօրվա դրությամբ, Քիմի խոսքով, հիվանդությունը զիջել է իր դիրքերը։ Քարդաշյանը հետեւում է իր մաշկաբանի մշակած սննդակարգին, հորմոնալ դեղեր է ընդունում, իսկ սրացման շրջանում համապատասխան ներարկումներ եւ ապարատային պրոցեդուրաներ է անում: «Ես գրեթե հաղթել եմ փսորիազին», – 2018 թվականի ամռանը գրել է Քիմը սոցիալական ցանցի իր էջում:

Բելլա Հադիդ․ լայմի հիվանդություն

Նայելով կանաչ աչքերով գեղեցկուհի Բելլա Հադիդին, դժվար է հավատալ, որ նա ամեն օր պայքարում է ծանր հիվանդության դեմ: Մոդելը տառապում է, այսպես կոչված, լայմի հիվանդությամբ։ Այն ինֆեկցիոն հիվանդություն է, որն առաջանում է տիզի կծելուց։ Դրանով տառապում է նաեւ նրա մայրը՝ Յոլանդան եւ եղբայրը՝ Անվարը, որոնց մոտ այն հայտնաբերել են 2012 թվականին, իսկ երեք տարի անց լայմի հիվանդությունը ախտորոշել են նաեւ Բելլայի մոտ: Այն առաջացնում է թուլություն, հոգնածություն, գլխացավեր, մկանային ցավեր, անքնություն եւ դեպրեսիա, իսկ ծանր դեպքերում՝ կաթված:

Սկզբում մոդելը թաքցրել էր իր հիվանդությունը, սակայն նրա մայրը լրագրողների հետ զրույցում պատմել է դրա մասին։ Դրանից էլ հայտնի է դարձել, որ Բելլան ամեն օր հակաբիոտիկներ է խմում եւ գտնվում է կաթիլների տակ, չնայած այդ միջոցներին, նա, այնուամենայնիվ, ժամանակ առ ժամանակ ստիպված է լինում չեղարկել նկարահանումները, նա պարզապես ի վիճակի չի լինում դուրս գալ տանից: Մոդելը չի հանձնվում. «Եթե ես չաշխատեմ, – ասում է նա հարցազրույցում, - ինչ-որ մեկը կզբաղեցնի իմ տեղը»:

Ջիջի Հադիդ. Հաշիմոտոյի հիվանդություն

Հայտնի մոդել Ջիջի Հադիդի մոտ ախտորոշվել է մեկ այլ հիվանդություն՝ վահանաձեւ գեղձի քրոնիկ բորբոքում, որը կոչվում է աուտոիմունային թիրեոիդիտ կամ Հաշիմոտոյի հիվանդություն: Այն հանգեցնում է հոգնածության, դեպրեսիայի, նյութափոխանակության խնդիրների, քաշի մշտական տատանումներին։ Չնայած, որ Ջիջին կանոնավոր եւ արդյունավետ բուժօգնություն է ստանում, վերջին շրջանում նա շատ է նիհարել, ինչը աստղերին թույլ է տվել նրան մեղադրել անորեքսիայի եւ թմրանյութերի օգտագործման մեջ: Ջիջին ստիպված էր խոստովանել, թեեւ դժվար էր, որ նրա նիհարության պատճառը լուրջ հիվանդությունն է։