«Միլան»․ Զլատանը վերադարձավ (Լուսանկարներ)

«Միլանը» սոցիալական ցանցերում հայտարարել է շվեդ հարձակվող Զլատան Իբրահիմովիչի վերադարձի մասին։ Իտալական ակումբը մեկ տարով կերկարաձգի պայմանագիրը 38-ամյա ֆուտբոլիստի հետ։

«Զլատանը վերադարձավ»,- նշվում է «Միլանի» թվիթերյան էջում։

Իբրահիմովիչը 2020թ․ հունվարին էր տեղափոխվել «Միլան»։ Կես տարում նա մասնակցեց 18 հանդիպման, խփեց 10 գոլ։

Իբրահիմովիչը «Միլանում» խաղացել է նաեւ 2010-2012-ին՝ դառնալով Իտալիայի չեմպիոն եւ սուպերգավաթակիր։

Ակումբային կարիերայի ընթացքում նա հանդես է եկել նաեւ «Մալմյոյում», «Այաքսում», «Ինտերում», «Յուվենտուսում», «Բարսելոնայում», ՊՍԺ-ում, «Մանչեսթեր Յունայթեդում» եւ «Լոս Անջելես Գելաքսիում»։

Լուսանկարները՝ այստեղ: