Կլոպ․ Կցանկանայի Մեսիին տեսնել Անգլիայում, բայց վստահ չեմ, որ դա տեղի կունենա

Անգլիայի չեմպիոն «Լիվերպուլի» գերմանացի գլխավոր մարզիչ Յուրգեն Կլոպը հայտնել է, որ իր ղեկավարած թիմը արգենտինացի հարձակվող Լիոնել Մեսիին ձեռք բերելու մտադրություն չունի։

«Ո՞վ չի ցանկանում տեսնել Մեսիին իր թիմում, բայց մեր դեպքում ոչ մի հնարավորություն չկա։ Նա լավ խաղացող է եւ կօգնի «Մանչեսթեր Սիթիին»։ Նրանց հաղթելն ավելի բարդ կդառնա։

Մեսին երբեք չի խաղացել այլ առաջնությունում, Անգլիայում այլ ֆուտբոլ է։ Կցանկանայի նրան տեսնել Անգլիայում, բայց վստահ չեմ, որ դա տեղի կունենա»,- Կլոպի խոսքը մեջբերում է liverpoolecho.co.uk-ը։

Մեսին «Բարսելոնային» հայտնել է հեռանալու մտադրության մասին։ Նրան ձեռք բերելու ցանկություն ունի կատալոնացի Խոսեպ Գվարդիոլայի գլխավորած «Մանչեսթեր Սիթին»։