Ես չեմ պնդում, որ չենք հաղթել, ոչ էլ պնդում եմ, որ հաղթել ենք. Դավիթ Տոնոյանը՝ ապրիլյան պատերազմի մասին (Տեսանյութ)

Դուք ինձնից քաղաքական գնահատական եք ուզում. ապրիլյան գործողությունները ավարտվել են որոշ տարածքային կորուստներով, բայց ռազմաքաղաքական փոփոխություն չի կատարվել: Այս մասին այսօր՝ օգոստոսի 28-ին, ԱԺ-ում լրագրողների հետ զրույցում նշեց պաշտպանության նախարար Դավիթ Տոնոյանըը՝ անդրադառնալով հարցին, թե արդյոք հայկական կիողմը ապրիլյան քառօրյա պատերազմում հաղթել է:

Հարցին, թե դա բավարա՞ր է պնդելու համար, որ չենք հաղթել, նա արձագանքեց. «Ես չեմ պնդողը, ոչ էլ պնդում եմ, որ հաղթել ենք: Որպես պաշտպանության նախարար ես հաղթելու կողմնակիցն եմ»:

Անդրադառնալով ապրիլյան պատերազմի հանգամանքները ուսումնասիրող ԱԺ քննիչ հանձնաժողովին, նա ասաց. «Հանձնաժողովը հանգամանքները պարզելու մեծ աշխատանք է կատարել, երբ կլինի հանձնաժողովի զեկույց, այդ ժամանակ հարցեր տվեք:

ՊՆ-ն շատ մանրամասն վերլուծություն է արել, շատ հարցերի պատասխաններ տվել է: Ընդ որում եղել է շատ մեծ ինքնաքննադատություն: Ես կարծում եմ, որ շատ տարբերություն չի լինելու: Ուղղակի մեր ինքնաքննադատությունը որոշակի ռումով կարող է հրապարակային դառնալ, որոշակի առումով՝ ոչ»:

Հարցին, թե արդյոք կորցրած դիրքերը ռազմական ու ռազմավարական նշանակություն են ունեցել, նախարարն ասաց. «Բոլոր դիրքերն են ընդհանրապես ռազմական նշանակության: Դիրքերը լուծում են մարտավարական խնդիր, որովհետեւ այդ դիրքերը մեկ վաշտի, մեկ դասակի դիրքեր են»:

Աղբյուրը՝ News.am