Քանյե Ուեսթի նոր մարզակոշիկները վիրավորել են մահմեդականներին

Ռեփեր եւ դիզայներ Քանյե Ուեսթի սեփական ապրանքանիշի եւ գերմանական Adidas ընկերության հետ համագործակցությամբ ներկայացված նոր կոշիկը վիրավորել է մահմեդականներին: Այս մասին հայտնում է The Sun-ը։

Խոսքը Yeezy Boost 350 V2 մարզակոշիկների մասին է, որոնց մոդելները ստացել են «Իսրաֆիլ» եւ «Աիսրայել» անունները: Դրանք գնորդների համար հասանելի կլինեն օգոստոսի վերջին, արժեքը կկազմի 180 ֆունտ ստեռլինգ:

Կրոնի հետեւորդների մոտ դժգոհությունն է առաջացրել ընկերության կողմից «Իսրաֆիլ» բառի օգտագործումը՝ իսլամի չորս հրեշտակապետներից մեկի անունը եւ «Աիրիելը», որը նշանակում է «սարսափելի դատարանի լրաբեր»։

Գնորդները ընկերության մարքեթինգային քայլը համարել են անհարգալից վերաբերմունք մահմեդականների նկատմամբ եւ այդ թեմայով արտահայտվել են Twitter-ում: «Անթույլատրելի է ծաղրել ուրիշների հավատը», «Եթե դու մի կաթիլ հարգանք ունես մուսուլման ֆանատների հանդեպ, կփոխես անվանումը», «Հրեշտակի անունը կապել կոշիկի հետ լիովին անհարգալից վերաբերմունք է միլիոնավոր մահմեդականների հանդեպ», «Քանյեն ինձ հունից հանեց: Նրա արաքն անթույլատրելի է։ Ես կբողոքեմ», «Դա պարզապես ցավալի է եւ զզվելի», - բողոքել են նրանք:

Ինքը՝ Քանյե Ուեսթը, դեռ ոչ մի կերպ չի մեկնաբանել իրավիճակը։

Սա առաջին դեպքը չէ, երբ գնորդները քննադատում են Yeezy ապրանքանիշի սպորտային կոշիկները: Ավելի վաղ օգոստոսին տարակուսանք էր առաջացրել կոշիկի նոր դիզայնը։ Ուեսթը սոցցանցերում ցուցադրել էր հսկայական կոշիկներ, որոնք համազգեստով լեռնադահուկային կոշիկներ էին հիշեցնում: «Ընկեր, վաղուց ժամանակն է մտածել քո հոգեկան առողջության մասին», - կոչ են արել նրա մեկնաբանները: