ԱՄՆ նախկին պետքարտուղար Ջեյմս Բեյքերը եւ նրա կինը կորոնավիրուսով են վարակվել

ԱՄՆ նախկին պետքարտուղար Ջեյմս Բեյքերը եւ նրա կինը՝ Սյուզան Բեյքերը, կորոնավիրուսով են վարակվել։ Պարոն Բեյքերի մամուլի քարտուղար Ջոն Ուիլյամսը CNN-ին հայտնել է, որ այս պահին նրանց հոսպիտալացումը քիչ հավանական է։

Պարոն Բեյքերի առողջությունը նրան թույլ է տալիս աշխատել տանից, նրա կինն իրեն բավականին լավ է զգում, որ խոհանոցում ճաշ պատրաստի։ The New York Times-ի հետ զրույցում նա հավելել է, որ նախկին պետքարտուղարը իրավիճակի կապակցությամբ կատակում է․ «Նա ընկերներին ասում է՝ փառք Աստծո, որ ինքն ընդամենը 90 տարեկան է»։

Ջեյմս Բեյքերը զբաղեցրել է ֆինանսների նախարարի պաշտոնը եւ ղեկավարել է Սպիտակ տան աշխատակազմը Ռոնալդ Ռեյգանին օրոք։ Պետքարտուղարի պաշտոնը նա զբաղեցրել է Ջորջ Բուշ ավագի նախագահության ժամանակ՝ 1989 թվականի հունվարի 20-ից 1992 թվականի օգոստոսի 23-ը։ Նրա ծառայողական ձեռքբերումների թվում են երկրների կոալիցիայի ստեղծումը, որը Պարսից ծոցում պատերազմը սկսվելուց առաջ հանդես էր գալիս Քուվեյթից Իրաքի զորքերի դուրսբերման օգտին։