Քայլի Ջենները 3 մլն դոլար արժողությամբ «Bugatti Chiron» մեքենա ունի (Լուսանկար)

Գործարար Քայլի Ջենները՝ հեռուստաաստղ Քիմ Քարդաշյանի կրտսեր քույրը, շքեղ ավտոմեքենայի ֆոնին լուսանկար է հրապարակել ու ենթարկվել հետեւորդների քննադատությանը, գրում է Daily Mail-ը։ Հիշեցնենք՝ մայիսին նրան զրկել են աշխարհի ամենաերիտասարդ միլիարդատիրոջ կարգավիճակից։

Լուսանկարը, որում 23-ամյա Քայլին սպիտակ տոպ է կրում, սեւ ջինս ու Nike ապրանքանիշի մարզակոշիկ, լրջորեն զայրացրել է հետեւորդներին, որոնք կարծում են, որ հարկավոր չէ պարծել ամենով, ինչ ունես։ Իսկ Ջեններն էլիտար մեքենա ունի՝ «Bugatti Chiron», որի արժեքը կազմում է 3 մլն դոլար։ Ինչպես ասում են, իրավունք ունի՝ գնել է արդար վաստակած գումարով... Միայն թե հանրությանը դա քիչ է հետաքրքրում, նրանց զայրացրել է, որ Քայլին ցույց է տվել ունեցվածքի փոքր մասը...