Իսրայելցի նախարար. Իսրայելն ԱՄԷ-ի ու Պարսից ծոցի այլ երկրների համար ոչ միայն բարեկամ է, այլ նաեւ «ակտիվ»

Իսրայելն ԱՄԷ-ի ու Պարսից ծոցի այլ երկրների համար ոչ միայն բարեկամ է, այլ նաեւ «ակտիվ», քանի որ երկիրը հակազդում է Իրանին: Այս մասին CNBC-ին տված հարցազրույցում ասել է բնակավայրերի հարցերով նախարար Ցախի Հանեգբին՝ խոսելով Իսրայելի եւ ԱՄԷ-ի կողմից հարաբերությունների կարգավորման մասին ստորագրված համաձայնագրի մասին:

Նրա խոսքով՝ Պարսից ծոցի երկրները խոստովանել են, որ Իսրայելը այն քիչ գերտերություններից է, որ մարտահրավեր է նետում «Իրանի շարունակվող ահաբեկչական գործունեությանն ու ահաբեկչական քաղաքականությանը»:

«Նրանք մեր մեջ տեսնում են ոչ միայն բարեկամի, այլ նաեւ արժեք, քանի որ մենք հակազդում ենք իրանցիներին, պայքարում նրանց դեմ Սիրիայում, Լիբանանում եւ այլ վայրերում»,-ասել է նա:

Նա հայտնել է, որ իսրայելական եւ էմիրաթական ընկերությունները համաձայնել են համագործակցել նաեւ COVID-19 հետազոտություններում:

Նրա խոսքով՝ Իսրայելի վարչապետ Բենյամին Նեթանյահուի ռազմավարության նպատակն է արաբական այլ առաջնորդների հետ հարաբերությունները կարգավորելը:

Նրա խոսքով՝ հնարավոր է, որ դա պաղեստինցիներին կստիպի համոզվել, որ իսրայելցիները նրանց թշնամիները չեն:

«Մենք պետք է պաղեստինցիների հետ պատմական փոխզիջման հասնելու միջոց գտնենք»,-հավելել է Հանեգբին: