Աննա Սեդոկովայից խլել են դստերը

Երգչուհի Աննա Սեդոկովայից խլել են դստերը՝ Մոնիկային. հիմա արդեն նա ԱՄՆ-ում կապրի հոր հետ, որը դատարանի միջոցով ստացել է նրա խնամակալության իրավունքը։ Աննային նույնիսկ արգել են Մոնիկայի հետ կադրեր հրապարակել համացանցում։

Գրառումն՝ այստեղ:

Արտիստը երկրպագուների հետ կիսվել է իր մտքերով։ «Գիտե՞ս՝ ինչ եմ ես սովորել ժամանակի ընթացքում եւ ինչն է ինձ փրկում։ Հանգիստ ընդունել այն, ինչ կյանքում անխուսափելի է։ Այսօր երեկոյան Մոն կմեկնի։ Եվ այդ մտքից իմ սիրտը փոքրիկ ավազահատիկի է վերածվում։ Բայց մենք հիանալի ամառ ենք ունեցել եւ առջեւում շատ բան կլինի։ Եվ այսօր մենք միմյանց կարգելենք լաց լինել, քանի որ այդ դեպքում մեր երջանկությունն իմաստ չի ունենա… Ամեն ինչ լավ կլինի։ Ես ընդունում եմ, շնորհակալ եմ։ Ես հավատում եմ»,- եզրափակել է նա։

Երկրպագուներն աջակցել են երգչուհուն՝ նրան մաղթելով միշտ շքեղ կին մնալ, որը մոտիվացնում է. «Անեչկա, մենք քեզ հետ ենք», «Դուք շատ ուժեղ կին եք», «Շնորհակալություն ինքներդ Ձեզ նման լինելու կարողության համար։ Պաշտում եմ»,- գրել են օգտատերերը։