ՀՀ-ն դիտարկում է սիրիահայերին COVID-19-ի դեմ պայքարում օգնելու հարցը

ՀՀ սփյուռքի գործերի գլխավոր հանձնակատար Զարեհ Սինանյանը տեղեկացրել է, որ անցկացվում են քննարկումներ՝ հասկանալու համար, թե ինչպես կարող են օգնել Սիրիայում բնակվող հայերին կորոնավիրուսի դեմ պայքարում: «Արմենպրես»-ի մամուլի սրահում կայացած ասուլիսին նա հայտնեց, որ Սիրիայի հայերը ոչ միայն ֆինասական, այլև առողջապահական խնդիրների են բախվում:

«Այո, այդ հարցը կա և այն բարձրացվեց սիրիահայ մեր հայրենակիցների կողմից: Դիտարկում ենք, թե ինչպես կարող ենք օգնել: Խնդիրը դեղամիջոցների հետ է կապված, ամենատարրական դեղամիջոցներն անհասանելի են դարձել: Այժմ մտածում ենք, թե հաջորդ կարճ ժամկետում ինչպես կարող ենք օգնել մեր հայրենակիցներին»,-հավելեց Զարեհ Սինանյանը:

Սիրիայում կորոնավիրուսի հաստատված ընդհանուր դեպքերի թիվը 1432 է, վարակի հետևանքով մահացել է 55 մարդ: Սիրահայերը վեջին օրերին բարձրացնում էին այն հարցը, որ երկրում դեղամիջոցների հետ կապված սղություն կա:

Աղբյուրը՝ armenpress.am