Միանգամից 4 դի` մեկ օրում և մեկ ընտանիքից. երեկ երեկոյան դերասանների դստեր ընտանիքի հոգեհանգիստն էր (Լուսանկարներ)

Նոր Նորքի 5-րդ զանգվածի Սբ. Սարգիս եկեղեցում երեկ՝ օգոստոսի 11-ի երեկոյան, տեղի էր ունենում Արմեն Մարությանի և Ալլա Վարդանյանի դստեր՝ Թամարա Մարությանի և նրա ընտանիքի հոգեհանգիստը:

Եղեկեցու տարածքում էր Newmedia.am-ի նկարահանող խումբը:

Ավելի վաղ տեղեկացրել էինք, որ դերասաններ Արմեն Մարությանի և Ալլա Վարդանյանի դուստրը ընտանիքով վթարի է ենթարկվել:

Վթարի հետևանքով տեղում մահացել են Toyota-ի վարորդ Միհրան Գյուլզադյանը, ուղևորներ՝ վարորդի կինը, Երևանի բնակիչ, 37-ամյա Թամարա Մարությանը և նրանց երեխաները՝ 15-ամյա Նարեկ և 9-ամյա Արմեն Գյուլզադյանները։

Թամարա Մարությանը երկար տարիներ աշխատել է Գ․ Սունդուկյանի անվան ազգային ակադեմիական թատրոնի երաժշտական բաժնում և գնահատելի ներդրում ունեցել թատրոնի ստեղծագործական կյանքում։