Բայց կարող ենք հասնել մի անդառնալի կետի, որի հետևանքով կկորցնենք Սևանա լիճը. Վահագն Վարագյան

Մի քանի օրից Սեւանա լճում կանաչ ֆոնը չենք տեսնելու: Այս մասին, այսօր՝ օգոստոսի 1-ին, լրագրողների հետ զրույցում ասաց «Կանաչ ապագա» բնապահպանական նախաձեռնության նախագահ Վահագն Վարագյանը:

«Կապտականաչ ջրիմուռներն այժմ քայքայման փուլում են եւ քիչ-քիչ լիճը կապտելու է: Բայց, իրականում, պատկերը շատ մտահոգիչ է, ափամերձ տարածքներում, անտառածածկ հատվածերի մաքրման աշխատանքները պետք է արագ ու հրատապ կազմակերպվեն, քանի որ ցիանոբակտերիաների գործունեության համար ավելի նպաստավոր պայմաններ են ստեղծվում», - ասաց նա։

Վահագն Վարագյանի խոսքով՝ կարեւորագույն խնդիրներից են ափամերձ տարածքներում գտնվող համայքները, որտեղից կոյուղաջրերը հիմնականում հոսում են դեպի Սեւանա լիճ։

«Մաքրման կայանների գոյություն չունենալը Սեւանում ստեղծում է ջրում նպաստավոր պայմաններ, որպեսզի ցիանոբակտերիաները բազմանան ու մենք հիմա մի այնպիսի փուլում ենք, որ կարող ենք հասնել ինչ-որ մի անդառնալի կետի, որի հետեւանքով կկորցնենք մեր ազգային հարստությունը՝ Սեւանա լիճը», - ասաց Վահագն Վարագյանը:

Մանրամասները՝ սկզբնաղբյուրում