Մենք գիտեինք, որ պիտի հավասարակշռված քաղաքականություն տանել, որ երկիրը չկանգնի կամ-կամի վատագույն ընտրության առաջ. Նաիրա Զոհրաբյան (տեսանյութ)

«Ես այս օրերին լսում էի, կներեք այս ձևակերպման համար՝ դիլետանտ և մանկապատանեկան մակարդակի հայտարարություններ, թե՝ դուք չգիտեի՞ք, որ Ռուսաստանը մեր ռազմավարական գործընկերն է, ես հակընդեմ հարց եմ ուզում տալ, մենք գիտեինք, այդ դուք չգիտեիք»,- ԱԺ-ում ճեպազրույցի ժամին իշխող կուսակցության բացատրություններին այսպես արձագանքեց ԲՀԿ պատգամավոր Նաիրա Զոհրաբյանը:

«Եթե մեր հանրապետական գործընկերները խնդիր էին դրել փրկելու իրենց վերադասերի կատարած քայլերն արդարացնելու համար, ապա կարծում եմ ձևակերպումը՝ բա դուք չգիտեի՞ք, որ Ռուսաստանը մեր ռազմավարական դաշնակիցն է, պիտի ուղղակիորեն այլ տեսակետից փորձեին իրենց հիմնավորումները շարադրել: Մենք գիտեինք, որ Ռուսաստանը մեր ռազմավարական գործընկերն է, մենք գիտեինք, որ պիտի բալանասավորված, հավասարակշռված քաղաքականություն տանել, որպեսզի երկիրը չկանգնի կամ-կամի վատագույն ընտրության առաջ, դա բանակցողները չգիտեին»,-ասաց Զոհրաբյանը:

Առավել մանրամասն՝ տեսանյութում: