Վիլիանի գործակալ․ 2 առաջարկ ունենք Պրեմյեր լիգայից

Լոնդոնի «Չելսիի» բրազիլացի հարձակվող Վիլիանի իրանցի գործակալ Կիա Ջուրաբչիանը պատմել է, թե ինչ տարբերակներ ունի ֆուտբոլիստը կարիերան շարունակելու համար։ Այս մրցաշրջանի ավարտից հետո 31-ամյա ֆուտբոլիստն ազատ գործակալի կարգավիճակում կհեռանա անգլիական ակումբից։

«ՄԼՍ-ից ունեինք լավ առաջարկ, սակայն նրանք ցանկանում էին պայմանագիր կնքել արդեն հուլիսի 1-ին, բայց Վիլիանը որոշեց մրցաշրջանն ավարտել «Չելսիի» հետ։

Հիմա երկու առաջարկ ունենք անգլիական Պրեմյեր լիգայի ակումբներից, մեկ առաջարկ՝ ՄԼՍ-ից, եւս երկու առաջարկ՝ եվրոպական առաջնություններից։ «Չելսիի» հետ վերջին հանդիպումն անցկացնելուց հետո ընտրություն կկատարենք»,- Կիա Ջուրաբչիանի խոսքը մեջբերում է talkSPORT-ը։

Այս մրցաշրջանում Վիլիանը «Չելսիի» հետ մասնակցել է 47 հանդիպման, խփել 11 գոլ, կատարել 9 գոլային փոխանցում։