«Կիևվսկայա պլոշաձ» ընկերությունների խմբի սեփականատերերը, որում ներառված է մոսկովյան «Ֆուդ Սիթի» շուկան, հավատարիմ կլինեն հավասարության սկզբունքին խմբի բոլոր օբյեկտներում՝ անկախ ազգային պատկանելությունից

«Կիևվսկայա պլոշաձ» ընկերությունների խմբի սեփականատերերը, որում ներառված է նաև մոսկովյան «Ֆուդ Սիթի» շուկան, հավատարիմ կլինեն հավասարության սկզբունքին խմբի բոլոր օբյեկտներում՝ անկախ ազգային պատկանելությունից: Այս մասին նշվում է տնօրենների խորհրդի ղեկավար Գոդա Նիսանովի հայտարարության մեջ, որը տարածվել է «Կիեւսկայա պլոշաձ»-ի մամուլի ծառայության կողմից:

«Իմ եւ «Կիեւսկայա պլոշաձ» ընկերությունների խմբի իմ գործընկերների համար Ռուսաստանի օրենսդրությանը հետեւելը բացարձակ առաջնահերթություն է: Դեվելոփմենթի եւ կոմերցիոն անշարժ գույքի շուկայում երկար տարիների աշխատանքի ընթացքում մեր ընկերություններն անփոփոխ կերպով հոգատարություն են ցուցաբերում սպառողների, գործընկերների եւ վարձակալների շահերի նկատմամբ՝ անկախ նրանց ազգությունից կամ կրոնական դավանանքից: Դրա, ինչպես նաեւ ընկերությունների խմբի բազմազգ 26 հազարանոց թիմի նորարարական մոտեցումների ու պրոֆեսիոնալիզմի շնորհիվ մեզ հաջողվել է առաջատար դիրք գրավել շուկայում: «Կիեւսկայա պլոշաձ» ընկերությունների խմբի բաժնետերերն ու ղեկավարները մտադիր են շարունակել հետեւել այդ սկզբունքներին՝ հատուկ ուշադրություն դարձնելով առավելագույն հարմար եւ անվտանգ պայմանների ստեղծմանը մեր օբյեկտների բոլոր աշխատողների համար»,- նշվում է Նիսանովի հայտարարության մեջ: