на Русском
ՆԳ նախարարն ընդունել է ԵՄ պատվիրակության ղեկա... 
Մանասյանն ընդունել է Equal Right Trust հիմնադ... 
Երեկվանից Տավուշի մարզի սահմանապահ գյուղերում եմ. Աննա Հակոբյանը լուսանկարներ է հրապարակել (Լուսանկարներ)
Երեկվանից Տավուշի մարզի սահմանապահ գյուղերում եմ. այցելել եմ Չինարի, Մովսես, Այգեպար, Ներքին Կարմիրաղբյուր գյուղեր եւ Բերդ քաղաք։ Այս մասին Facebook-ի իր էջում գրել է Վարչապետի տիկին Աննա Հակոբյանը:
Նա, մասնավորապես, նշել է. «Այցիս նպատակն է՝ քաջալերել սահմանամերձ համայնքներում ապրող մեր հայրենակիցներին, ցույց տալ, որ մենք նրանց հետ ենք ոչ միայն մտքով, այլեւ՝ ֆիզիկապես։
Այս գրառման հետ եւ հետագայում հրապարակվող լուսանկարներին կից կներկայացնեմ այն մարդկանց, ում տանը հյուրընկալվել եմ, ում հետ հասցրել եմ շփվել:
Մենք պետք է դեմքով ճանաչենք մեր հերոս զինվորների թիկունքն ամուր պահող հերոս ընտանիքներին ու նրանց անդամներին՝ երեխաներից մինչեւ տատիկներ ու պապիկներ, հղի հարսներ, զինծառայող հայրիկներ եւ հոգսաշատ, բայց գեղեցիկ ու ժպտերես մայրիկներ։
Նրանք, թեեւ արկերի պայթյուններից ու կրակոցներից հոգնել են, բայց ամուր են ինչպես երբեք, տոկուն են, ավելի քան երբեւէ, եւ առավելապես հպարտ են, որ հայ են, Հայաստանի արժանապատիվ եւ հաղթական քաղաքացի։
Իսկ մնացած բոլոր հարցերը լուծելի են»:
