на Русском
ՆԳ նախարարն ընդունել է ԵՄ պատվիրակության ղեկա... 
Մանասյանն ընդունել է Equal Right Trust հիմնադ... 
Իշխանությունները պետք է վերացնեն բաց տարածքում դիմակներ կրելու պահանջը․ Հայաստանի դեմոկրատական կուսակցություն
Բաց տարածքներում դիմակներ կրելու պահանջն արդեն հանցագործություն է, քանի որ նման դեպքերում դրանք վնասում են քաղաքացիների առողջությանը, եւ այդ մասին շատ փորձագետներ են ասում: Մենք պետք է լսենք նրանց: Այս մասին հուլիսի 20-ին լրագրողների հետ հանդիպման ժամանակ ասաց Հայաստանի Դեմոկրատական կուսակցության նախագահ Արամ Սարգսյանը։
Նա նշեց, որ մարդիկ պետք է մաքուր օդ շնչելու հնարավորություն ունենան՝ օրգանիզմին այդքան անհրաժեշտ թթվածինը ստանալու համար, հատկապես՝ ամռան բարձր ջերմաստիճանի դեպքում: «Ինչ վերաբերում է պարետատան եւ վերահսկիչ բոլոր գերատեսչությունների աշխատանքներին, ես կարող եմ ասել միայն, որ դիմակները, ավելի ճիշտ՝ դրանց կրելը, փրկօղակի նման ինչ-որ բան է դարձել»,- ասաց Սարգսյանը:
Ընդդիմադիրը վստահ է, որ վարակի տարածման հետ կապված այսպիսի ողբալի վիճակն առաջացել է ի սկզբանե թույլ տրված սխալների, սխալ հաշվարկների եւ երկրի ղեկավարության սխալ քաղաքականության պատճառով:
Վերոնշյալի կապակցությամբ ՀԴԿ ղեկավարն պարետատանն առաջարկեց չեղարկել առնվազն բաց տարածքում դիմակներ կրելու պարտադիր պահանջը: «Դա իսկապես անիմաստ է: Երկրորդը՝ նրանք պետք է օգտագործեն իրենց կառավարչական ռեսուրսները՝ վարակի այն օջախները տեղայնացնելու համար, որոնք դեռ առկա են», - եզրափակեց Արամ Սարգսյանը:
