Խոշոր ավտովթար Արագածոտնի մարզում. 70-ամյա վարորդի մեքենան հայտնվել է ձորակում (Լուսանկարներ)

Հուլիսի 14-ին խոշոր ավտովթար է տեղի ունեցել Արագածոտնի մարզում։ Այս մասին հայտնում է SHAMSHYAN.com-ը:

Ժամը 18։00-ի սահմաններում Ապարանի բնակիչ 70-ամյա Էդիկ Հ․-ն իր վարած ГАЗ-24 մակնիշի ավտոմեքենայով Ապարան-Վանաձոր ավտոճանապարհին, Միրաք գյուղի կամրջի վրա, դեռևս անհայտ հանգամանքներում, դուրս է եկել երթևեկելի գոտուց, բախվել կամրջի երկաթե արգելապատնեշներին և, գլխիվայր շրջվելով, հայտնվել ձորակում։

Վթարի հետևանքով վարորդ Էդիկ Հ․-ն մարմնական վանսվածքներով տեղափոխվել է «Ապարան» բժշկական կենտրոն։

Օպերատիվորեն դեպքի վայր են ժամանել Ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի ծառայողները՝ վաշտի հրամանատար Վաչե Մալաքյանի, դասակի հրամանատար Հրանտ Գալստյանի գլխավորությամբ։

Ժամանել են նաև նույն վաշտի ավագ հետաքննիչներ Հայկ Վարդանյանն ու Վահագն Էլոյանը։ Փաստի առթիվ Վ․ Էլոյանի կողմից նյութեր են նախապատրաստվում։

Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Դավիթ Գրիգորյանը տեղեկությունը փոխանցել է Ոստիկանության Արագածի բաժին, որտեղից ժամանել է օպերատիվ խումբը՝ բաժնի պետ Ջանիկ Մարությանի գլխավորությամբ։