на Русском
Դիլիջանի ոլորաններում իրականացվում են մաքրման... 
Լեհաստանի նախագահն այցելել է Հայոց ցեղասպանու... 
Մեդվեդևը հայտարարել է, որ նախագահական ընտրություններում Դոնալդ Թրամփի շանսերը փայլուն չեն
ՌԴ Անվտանգության խորհրդի նախագահի տեղակալ Դմիտրի Մեդվեդևը հայտարարել է, որ նախագահական ընտրություններում ԱՄՆ նախագահ Դոնալդ Թրամփի շանսերը փայլուն չեն: Այս մասին նա ասել է «Կոմսոմոլսկայա պրավդա»-ի եթերում:
Նրա խոսքով՝ Ամերիկան սովոր է իրեն աշխարհի խոշոր տնտեսությունը, հզոր ազգ զգալ, որը որոշումներ է կայացնում ոչ միայն առանձին անձանց, այլ նաև պետությունների փոխարեն:
«Այժմ նրանց մոտ իսկապես դժվար ներքին իրավիճակ է: Նրանց կարելի է պարզապես ցավակցել: Դեռ ամերիկացիներին չի հաջողվում վերահսկել կորոնավիրուսը, վարակվածների թիվն աճում է, եւ դա շատ վատ է»,-ասել է նա:
Նրա խոսքով՝ ռասիզմը մեծ խնդիր է ԱՄՆ-ի համար:
Նա նաեւ ասել է, որ Թրամփը շատ խնդիրներ ունի, եւ դա անդրադառնում է նրա վարկանիշի վրա:
«Նա զիջում է իր հիմնական մրցակցին: Չնայած նա կրեատիվ մարդ է, եւ հնարավոր է, որ նման հրաշք լինի, ինչպես 4 տարի առաջ: Սակայն տնտեսական ճգնաժամի պատճառով նրա շանսերը փայլուն չեն թվում»,-ասել է Մեդվեդեւը:
