7 Հուլիս, 2020 19:15

Ադրբեջանի և ՀՀ արտգործնախարարների տեսակոնֆերանսներից օգուտ չկա. Սա պարզապես ԵԱՀԿ Մինսկի խմբի գործունեության իմիտացիա է. Եթե բանակցություններն առարկայական չլինեն, մենք դրանց չենք մասնակցի. Ալիև

7 Հուլիս, 2020 19:15 Ադրբեջան

Ադրբեջանը չի փոխի իր դիրքորոշումը ղարաբաղյան կարգավորման հարցում, քանի որ այն արդար է: Այս մասին հուլիսի 6-ին հայտարարել է երկրի նախագահ Իլհամ Ալիևը երկրի մի շարք հեռուստաալիքներին տված հարցազրույցում, փոխանցում է Turan-ը:

«Մեր դիրքորոշումը հիմնված է պատմական արդարության եւ միջազգային իրավունքի վրա: Հակամարտությունը պետք է լուծվի Ադրբեջանի տարածքային ամբողջականության շրջանակներում, մենք թույլ չենք տա հայկական երկրորդ պետություն ստեղծել ադրբեջանական հողի վրա»,- ասել է Ալիևը:

Նա քննադատության է ենթարկել ԵԱՀԿ Մինսկի խմբին պասիվության համար:

«ԵԱՀԿ Մինսկի խումբը չի արձագանքում ՀՀ վարչապետի հայտարարությանն այն մասին, որ Ղարաբաղը Հայաստանն է: Այս հայտարարությունը խաթարում է բանակցությունները և դրանք անիմաստ է դարձնում », - ասաց նա:

ԵԱՀԿ Մինսկի խումբը համարժեք պատասխան չի տվել ձևաչափը փոխելու Երևանի փորձերին՝ պահանջելով, որ Ադրբեջանը բանակցություններ սկսի Լեռնային Ղարաբաղի «անջատողականների» հետ, ասել է Ադրբեջանի նախագահը:

«Այսօր կարգավորման շուրջ փաստացի բանակցություններ չկան, Ադրբեջանի և Հայաստանի արտգործնախարարների տեսակոնֆերանսներից օգուտ չկա։ Սա պարզապես ԵԱՀԿ Մինսկի խմբի գործունեության իմիտացիա է: Եթե բանակցություններն առարկայական չլինեն, մենք դրանց չենք մասնակցի»,- շեշտել է Ալիևը:

Այս թեմայով