Ռուսաստանը կկառուցվի ԱԷԿ-ների չորս նոր էներգաբլոկ

Լենինգրադի և Սմոլենսկի շրջաններում նոր բլոկների կառուցման նախապատրաստական աշխատանքներ են մեկնարկել:

Համապատասխան որոշումը ստորագրել է «Ռոսատոմ» պետական կորպորացիայի գլխավոր տնօրեն Ալեքսեյ Լիխաչյովը՝ Ռուսաստանի Դաշնությունում բլոկերի կառուցման աշխատանքների կազմակերպման և ներդրումային նախագծերի իրականացման համար պատասխանատու անձանց նշանակման վերաբերյալ խորհրդակցության արդյունքով:

Մեկնաբանելով այս որոշումը, Ալեքսեյ Լիխաչյովը նշեց. «Ռուսաստանի ատոմային բնագավառը մոտեցավ այս ժամանակաշարջանին ԱԷԿ-ի նոր մշակված տեսակների հետ՝ ВВЭР-1200 և ВВЭР-ТОИ. Այս նախագծերը հաջողությամբ իրականացվում են ոչ միայն Ռուսաստանում, այլև արտասահմանում:

Դրանցում օգտագործվում են առավել առաջադեմ նվաճումներն ու մշ՛ակումները, որոնք համապատասխանում են անվտանգության ժամանակակից միջազգային բոլոր պահանջներին»։

Նշենք, որ այդ նախագծերն ընդգրկված են Ռուսաստանի Դաշնության կառավարության կողմից հաստատված մինչև 2035 թվականը էլեկտրական էներգիայի օբյեկտների տեղակայման գլխավոր սխեմայում:

Լենինգրադի ԱԷԿ-ի նոր բլոկերի համար ընդունվել է ВВЭР-1200 նախագիծը, որը
նմանատիպ է Լենինգրադի ԱԷԿ-2-ի կառուցման առաջին հերթին: Սմոլենսկի
ԱԷԿ-ում կկիրառվի ВВЭР-ТОИ նախագիծը, որը նմանատիպ է Կուրսկի ԱԷԿ-2-ում
կառուցվող նախագծին։

Երկու ներդրումային նախագծերի համար որպես տեխնիկական կապալառու
հանդես կգա «Ռոսենգերոգոտոմ» կոնցեռնը, գլխավոր նախագծողներ՝
«Ատոմպրոեկտ» ԲԸ-ն (Լենինգրադի ԱԷԿ-2-ի համար) և «Ատոմեներգոպրոեկտ»
ԲԸ-ն (Սմոլենսկի ԱԷԿ 2-ի համար), ռեակտորային կայանի գլխավոր
կոնստրուկտոր ՝«Հիդրոպրես» ԲԸ-ն, միջուկային և ճառագայթային անվտանգության բնագավառի գիտական ղեկավար՝ «Կուրչատովի ինստիտուտ» ԿՏՀ:

«Նոր էներգաբլոկները կփոխարինեն РБМК-1000 ռեակտորները, որոնց ծառայության ժամկետը կավարտվի հաջորդ տասնամյակում: Ըստ նախնական հաշարկների, երկու շիnհրապարակում միանգամից կստեղծվի մինչև 15 հազար նոր աշխատատեղ, կապահովվեն կանոնավոր հարկային եկամուտներ տարածաշրջանային և տեղական բյուջեներ», - ընդգծել է «Ռոսենսերգոատոմ» կոնցեռնի գլխավոր տնօրեն Անդրեյ Պետրովը:

Մինչև այս տարվա վերջ Լենինգրադի ԱԷԿ-2- ի ВВЭР-1200 ռեակտորներով №3 և №4 նոր էներգաբլոկների շինհրապարակում կկազմվի նախապատրաստական
աշխատանքների նախագիծ: Ապագա շինարարության վայրում նախատեսվում է
կառուցել ժամանակավոր կենցաղային շինարարական քաղաքներ և արդյունաբերական բազա:

Սմոլենսկի ԱԷԿ-2 նոր էներգաբլոկները ՝ ВВЭР-ТОИ ռեակտորներով, 2510 մեգավատ ընդհանուր հզորությամբ, կկառուցվեն ԱԷԿ-ի գործող էներգաբլոկներից 6 կմ հեռավորության վրա։