Օտարերկրյա մասնագետների համար մեղմացրել են Ռուսաստան մուտքի սահմանափակումները

Կառավարությունը մեղմացրել է օտարերկրյա մասնագետների համար երկիր մուտքի սահմանափակումները, հաղորդել է ՌԻԱ Նովոստին՝ վկայակոչելով կառավարությանը:

Նշվում է, որ երկիր մեկանգամյա մուտք կարող են գործել «բարձր որակավորում ունեցող օտարերկրյա մասնագետները, որոնք Ռուսաստանում աշխատանքի թույլտվություն ունեն» եւ ընդգրկված են «հատուկ ցուցակում»։

«Նման ցուցակը Ռուսաստանի ԱԴԾ ու ՆԳՆ պետք է ուղարկեն գործադիր իշխանության դաշնային մարմինները, որոնք իրազեկված են գործատուի կամ օտարերկրյա մասնագետի պատվիրատուի մասին»,- ասվում է հաղորդագրության մեջ:

Իր հերթին, Եվրոպական բիզնեսի ասոցիացիան հայտնել է, որ ավելի քան 190 գործարարներ եւ նրանց ընտանիքները առաջիկայում Ռուսաստան վերադառնալու թույլտվություն են ստացել։

Նրանք կարող են մուտք գործել երկիր՝ 14-օրյա կարանտինի պահպանման պայմանով։

Մայիսի վերջին նման թույլտվություն արդեն ստացել է 57 գործարար։

Ավելի վաղ կառավարությունը թույլ էր տվել Ռուսաստան մուտք գործել այն օտարերկրացիներին, որոնք պատրաստվում են այնտեղ բուժվել։ Սահմանափակումները հանել են նաեւ նրանց համար, ովքեր պետք է խնամեն հիվանդացած մերձավոր հարազատին։