Բոլթոնը հայտնել է շատ սխալներ թույլ տալու մասին

ԱՄՆ նախագահի ազգային անվտանգության հարցերով նախկին օգնական Ջոն Բոլթոնը հայտարարել է, որ չի ափսոսում Դոնալդ Թրամփի վարչակազմում աշխատելու համար, չնայած ընդունում է, որ մի շարք սխալներ է թույլ տվել, փոխանցում է ՏԱՍՍ-ը:

«Ո՛չ, ես այդ մասին չեմ մտաբերի ու կասկածի ընդունած որոշման իրավացիությանը: Եթե վերստին նման հնարավորություն առաջանար, ես նույն կերպ կվարվեի,- ասել է նա Fox News-ի եթերում՝ պատասխանելով համապատասխան հարցին: - Ես, բնականաբար, շատ սխալներ եմ թույլ տվել: Դրանում ոչ մի կասկած չկա, եւ ես ափսոսում եմ, որ դրանք ուղղելու հնարավորություն չունեցա»:

Պետության ղեկավարի նախկին օգնականը կրկնել է, որ չի քվեարկելու ո՛չ հանրապետական Դոնալդ Թրամփի օգտին, ո՛չ ԱՄՆ նախկին փոխնախագահ Ջոզեֆ Բայդենի, որը ստացել է Դեմոկրատական կուսակցության առաջիկա համագումարի պատվիրակների բավարար աջակցությունը՝ նոյեմբերին պետության ղեկավարի ընտրություններում թեկնածու առաջադրվելու համար: Բոլթոնը կրկին ափսոսանք է հայտնել, որ իր համոզմամբ՝ Սպիտակ տան ներկայիս ղեկավարի բոլոր գործողություններն ու որոշումները թելադրված են բացառապես երկրորդ ժամկետում ընտրվելու ձգտմամբ:

«Կորոնավիրուսին [Թրամփի] արձագանքը ցուցադրում է իմ բոլոր մտավախությունները: Թրամփը հունվարին եւ փետրվարին Չինաստանի եւ իր ընկեր [Չինաստանի նախագահ] Սի Ցզինպինի մասին ոչ մի վատ բան չէր ուզում լսել, չէր ցանկանում լսել այն մասին, որ հիվանդությունը կարող է սպառնալ Միացյալ Նահանգներին: Նա չէր ցանկանում լսել այն մասին, որ հիվանդությունը կարող է սպառնալիք ստեղծել ամերիկյան տնտեսության համար, որի ամրության մեջ է Թրամփը տեսնում իր վերընտրմանը տանող ճանապարհը»,- իր միտքն է պարզաբանել Բոլթոնը: Նրա տեսանկյունից՝ ԱՄՆ նախագահի որոշումներն «անհետեւողական են եւ անբարար արդյունավետ»:

Ըստ Real Clear Politics (RCP, «Իսկապես հստակ քաղաքականություն») քաղաքագիտական պորտալի հարցումների՝ ընտրողների շրջանում հանրաճանաչությամբ Բայդենը Թրամփին գերազանցում է միջինը 8,5 տոկոսով: Թրամփն արդեն կուսակցական համագումարի բավարար թվով ձայներ է ստացել նախագահական ընտրություններում հանրապետականների կողմից թեկնածու առաջադրվելու համար: ԱՄՆ նախագահի 59-րդ ընտրությունները տեղի են ունենալու նոյեմբերի 3-ին: