Ստեկելենբուրգը «Էվերտոնից» կվերադառնա «Այաքս»

Հոլանդացի դարպասապահ Մարտեն Ստեկելենբուրգը անգլիական «Էվերտոնից» ազատ գործակալի կարգավիճակում կվերադառնա Ամստերդամի «Այաքս», հաղորդում է հոլանդական ակումբի մամուլի ծառայությունը:

37-ամյա ֆուտբոլիստը կնքել է մեկ տարվա պայմանագիր, որն ուժի մեջ կմտնի օգոստոսի 1-ից: Ընթացիկ մրցաշրջանում Ստեկելենբուրգը «էվերտոնի» հետ ոչ մի հանդիպման չի մասնակցել:

Ստեկելենբուրգն «Այաքսում» հանդես է եկել 1997-2011 թվականներին՝ դառնալով Հոլանդիայի կրկնակի չեմպիոն: Հոլանդիայի հավաքականում նա մասնակցել է 58 հանդիպման, դարձել 2010թ. աշխարհի փոխչեմպիոն: