Արտետա․ Անթույլատրելի է այսպես պարտվել, անհեթեթ գոլեր ենք բաց թողնում

Լոնդոնի «Արսենալի» իսպանացի գլխավոր մարզիչ Միկել Արտետան մեկնաբանել է «Բրայթոնից» կրած 1։2 հաշվով պարտությունը Անգլիայի առաջնության 30-րդ տուրի խաղում։ «Բրայթոնը» հաղթական գոլը խփել է ավելացված 5-րդ րոպեին։

«Ես իսկապես հիասթափություն եմ ապրում։ Անթույլատրելի է այսպես պարտվել։ Գիտեմ, որ մենք ունենք երիտասարդ կազմ եւ սիրում ենք մրցել, բայց մենք պարզապես հանձնեցինք այս խաղը, որի արդյունքը պետք էր վճռել շատ ավելի վաղ։

Մենք արեցինք ավելին, քան բավարար կլիներ հաղթանակի համար, բայց դարձյալ խաղադաշտից հեռանում ենք առանց միավորի։ Անհեթեթ գոլեր ենք բաց թողնում, ինչի հետեւանքով էլ տանջվում ենք»,- Արտետայի խոսքը մեջբերում է BBC-ն։

«Արսենալը» 40 միավորով 9-րդն է։ «Բրայթոնն» ունի 32 միավոր եւ 15-րդն է։

Անգլիայի առաջնություն, 30-րդ տուր

«Բրայթոն» - «Արսենալ»՝ 2։1 (տեսանյութ)

Լյուիս Դանք, 75, Նիլ Մոպե, 90+5 - Նիկոլա Պեպե, 68