Թուրքիան կարող է հրաժարվել իր կայսերական անիրականանալի երազանքներից եւ դառնալ մեր գործընկերության մաս դառնալ. Միցոտակիս

Թուրքիան կարող է հրաժարվել իր կայսերական անիրականանալի երազանքներից եւ դառնալ մեր համագործակցության մի մասը, սակայն՝ միայն որպես հավասար եւ օրինական գործընկեր, այլ ոչ թե որպես խուլիգան: Այս մասին իսրայելական Ynet պորտալին տված հարցազրույցում հայտարարել է Հունաստանի վարչապետ Կիրիակոս Միցոտակիսը:

Պատասխանելով Իսրայել կատարած այցի նպատակի մասին հարցին՝ Միցոտակիսը նշել է, որ այս այցն ազդարարում է Իսրայելի հետ Հունաստանի ռազմավարական գործընկերության «եւ հույների եւ իսրայելացիների միջեւ խորը հուզական կապի» մասին: Միցոտակիսն ընդգծել է, որ երկու երկրները նշում են դիվանագիտական ​​հարաբերությունների հաստատման 30-ամյակը:

«Համագործակցությունը մեր երկրների միջեւ աննախադեպ բարձունքների է հասնում», եւ փոխգործակցությունը Հունաստանի եւ Իսրայելի միջեւ նման անհանգիստ ժամանակաշրջանում օգնում է ամրապնդել կայունությունը, անվտանգությունն ու բարգավաճումը՝ ի շահ մեր ժողովուրդների եւ Արեւելյան միջերկրածովյան երկրների»,- ասել է նա:

Պատասխանելով EastMed խողովակատարի վերաբերյալ հարցին՝ Հունաստանի վարչապետը նշել է, որ «EastMed-ի նման նախագծերը հսկայական հավաքական օգուտներ են բերում ինչպես մեր երկրների, այնպես էլ ավելի լայն տարածաշրջանի համար, եւ դրա իրականացումն իսկական ներդրում կբերի Եվրոպական Միության էներգամատակարարման անվտանգության մեջ»: Նա շեշտել է, որ EastMed նախագիծը ոեւևէ մեկին դեմ չէ կամ որեւէ մեկին չի բացառում, այդ թվում՝ Թուրքիային: «Տարածաշրջանային համագործակցությունը միշտ բաց է բոլորի համար, սակայն՝ մեկ հիմնական նախապայմանով՝ հարգել միջազգային իրավունքը եւ բարիդրացիության սկզբունքները»,- ասել է նա: «Թուրքիան խաթարում է կայունությունը տարածաշրջանում: Նա քաղաքական եւ ռազմական վերահսկողություն է ձգտում Արեւելյան միջերկրածովյան ողջ տարածաշրջանի նկատմամբ: Իրենց խոսքով՝ իրենք ցանկանում են քվեարկելու իրավունք ունենալ, նրանք ցանկանում են որոշիչ գործոն լինել ցանկացած տարածաշրջանում եւ մեր տարածաշրջանում կայացված ցանկացած որոշման համար: Սա անընդունելի է բոլոր այն երկրների համար, ովքեր գնահատում են իրենց ինքնիշխանությունն ու անկախությունը»,- ասել է նա: