ԱՄՆ-ում հավանության են արժանացրել նորածինների մոտ ՄԻԱՎ-վարակի բուժման համար դեղամիջոցը

ԱՄՆ սննդամթերքների եւ դեղամիջոցների որակի վերահսկման վարչությունը (FDA) հավանության է արժանացրել 3 կգ-ից բարձր քաշով 4 շաբաթականից սկսած երեխաների մոտ ՄԻԱՎ-վարակի բուժման համար դեղամիջոցը։

Հավանությունէ տրվել դեղամիջոցի 2 ձեւերին՝ Tivicay(դոլուտեգրավիր)-ին եւ Tivicay PD (դոլուտեգրավիր) հաբերին, որոնք հալվում են բերանում։ Դեղամիջոցը մշակվել է ViiV Healthcare ընկերության կողմից, որը մասնագիտանում է ՄԻԱՎ-ի բուժման համար դեղամիջոցների ստեղծման մեջ։ Դոլուտեգրավիրը երկրորդ սերնդի ինտեգրազային ինգիբիտորների դասից բուժման համար առաջին հակավիրուսային դեղամիջոցն է։ Ավելի վաղ դոլուտեգրավիրը նշանակվում էր միայն 6-ից բարձր տարիք եւ ավելի քան 30 կգ քաշ ունեցող երեխաներին։

Ինչպես հայտնում է medportal.ru-ն, դեղամիջոցի երկու ձեւերն էլ հավանության են արժանացել ՄԻԱՎ-ով վարակված 4 շաբաթականից մինչեւ 18 տարեկան նորածինների, երեխաների եւ դեռահասների շրջանում հետազոտությունների արդյունքում: Պացիենտների միջին տարիքը 2,5 տարեկան է: 24 շաբաթ անց դեղամիջոցի որեւէ ձեւը ընդունած պացիենտների 62%-ը ունեցել է վիրուսային անբացատրելի ծանրաբեռնվածություն, 48 շաբաթ անց նրանց թիվը աճել է մինչեւ 69%: Բացի այդ, փորձարկվողների մեծ մասի մոտ գրանցվել է CD4 բջիջների բավական բարձր մակարդակ:

Դեղամիջոցն արտադրողը վստահ է, որ նոր դեղամիջոցի լայն օգտագործումը կբարձրացնի տարբեր տարիքի ՄԻԱՎ-վարակով պացիենտների մոտ վիրուսային ծանրաբեռնվածությունը բուժելու եւ նվազեցնելու հնարավորությունները:

Ընկերության տվյալներով՝ այսօրվա դրությամբ աշխարհում ՄԻԱՎ-վարակով առնվազն 1,7 միլիոն երեխա է ապրում, իսկ ՁԻԱՀ-ով մահացության մեծ մասը տեղի է ունենում առաջին 5 տարվա ընթացքում: