Բայդենը Թրամփին հիմար է անվանել

ԱՄՆ նախագահի թեկնածու դեմոկրատ Ջո Բայդենը CNN հեռուստաալիքի հետ հարցազրույցում ԱՄՆ գործող նախագահ Դոնալդ Թրամփին հիմար է անվանել, որն, իր կարծիքով, COVID-19 համավարակի ֆոնին «կեղծ խիզախություն է ցուցադրում», փոխանցում է «ՌԻԱ Նովոստի»-ն:

Լրագրողը նշել է, որ ավելի վաղ Հիշատակի օրվա արարողությանը Թրամփն առանց դիմակի էր, մինչդեռ Բայդենը դիմակով եւ ակնոցով էր: Նա հավելել է, որ ավելի ուշ Թրամփը վերաթվիթել է դիմակով Բայդենի լուսանկարը եւ կարծիք հայտնել, որ Թրամփն այս կերպ փորձում է «նսմեցնել» իր քաղաքական ընդդիմախոսին՝ դիմակի կրումը ներկայացնելով թուլության նշան:

«Նա հիմար է, միանգամայն հիմար... Նախագահները պետք է ղեկավարեն, այլ ոչ թե զբաղվեն հիմարություններով եւ կեղծ խիզախություն ցուցադրեն: Սա մարդկանց կյանքի գինն է ունենում»,- ասել է Բայդենը:

Fox News-ի քաղաքական վերլուծաբան Բրիթ Հյումն ավելի վաղ Twitter-ում հրապարակել էր Բայդենի լուսանկարը, որը Հիշատակի օրվա արարողությանն էր ներկայացել դիմակով ու ակնոցով, եւ կից գրառում կատարել. «Սա կարող է բացատրել, թե ինչու Թրամփը չի սիրում հանրության մեջ դիմակ կրել: Բայդենն այսօր»: Թրամփը վերաթվիթել էր լրագրողի գրառումը, սակայն իր մեկնաբանությունը չէր հավելել: