Ամերիկացի միլիարդատերերը հարստացել են 434 մլրդ դոլարով՝ պանդեմիայի առաջին օրերից սկսած. Հետազոտություն

Այժմ ԱՄՆ-ի տնտեսության ամենավատ շրջանն է՝ սկսած Մեծ դեպրեսիայի ժամանակներից, սակայն, այնուամենայնիվ, որոշ միլիարդատերերին հաջողվել է զգալի չափով ավելացնել իրենց կարողությունը, հաղորդում է Fox Business-ը:

Ըստ «Ամերիկացիները հանուն հարկային արդարության» հետազոտական ծրագրի եւ Քաղաքական հետազոտությունների ինստիտուտի տվյալների՝ մարտի 18-ից մի շարք ամերիկացի միլիարդատերերի կարողությունն ավելացել է 434 մլրդ դոլարով:

Նախ հետազոտվել էին հինգ ամենահարուստ ամերիկացիների՝ Ջեֆ Բեզոսի, Բիլ Գեյթսի, Մարկ Ցուկերբերգի, Ուորեն Բաֆեթի եւ Լերի Էլիսոնի կարողության մասին տվյալները:

Ընդհանուր առմամբ, նրանց կարողությունն ավելացել է 75,5 մլրդ դոլարով:

Ընդ որում՝ Forbes-ի վարկածով՝ նրանց կարողությունն ավելացրել է աշխարհի ամենահարուստ 600 մարդկանց կապիտալը 21%-ով:

Միայն Բեզոսի եւ Ցուկերբերգի համատեղ մաքուր կապիտալն ավելացել է գրեթե 60 մլրդ դոլարով:

Հետ չի մնացել նաեւ Tesla-ի ղեկավար Իլոն Մասկը. 2 ամսում նրա մաքուր կապիտալն ավելացել է 48%-ով՝ հասնելով 36 մլրդ դոլարի:

Սակայն ոչ բոլորին է բախտը ժպտացել: Օրինակ՝ Under Armour-ի ղեկավար Քեւին Պլանկի կարողությունը կրճատվել է 6,8%-ով՝ հասնելով 1 մլրդ դոլարի, իսկ հայտնի մոդելյեր Ռալդ Լոռենի կարողությունը կրճատվել է 100 մլրդ դոլարով՝ հասնելով 5,6 մլրդ դոլարի: