ԱՄՆ-ում կտրուկ նվազել է գրին քարտերի եւ քաղաքացիության համար դիմումների թիվը

Միացյալ Նահանգներում քաղաքացիություն, գրին քարտեր ստանալու եւ այլ ծրագրերի մասնակցելու համար դիմումների քանակը կտրուկ նվազել է կորոնավիրուսի համավարակի պատճառով: Արդյունքում, դաշնային գործակալության վճարունակությունը վտանգի տակ է հայտնվել, գրում է The New York Times-ը:

USCIS-ը, որն իր աշխատանքի ֆինանսավորման հարցում ապավինում է դիմումատուերի վճարներին, հայտարարել է, որ արդեն ամռանը կազմակերպության գումարները կարող են ավարտվել, գրում է «ՌԻԱ Նովոստի»-ն: Ըստ մասնագետների՝ մինչեւ այս ֆինանսական տարվա ավարտը (ավարտվում է սեպտեմբերի 30-ին) եկամուտները կարող են ընկնել ավելի քան 60 տոկոսով: Նշվում է, որ առանց Կոնգրեսի՝ 1.2 միլիարդ դոլարի ներդրման կազմակերպությունը չի կարողանա ֆինանսավորել իր գործունեությունը:

Պարբերականը նշում է, որ USCIS-ը նախատեսում է վճարների 10 տոկոս ավելացում սահմանել՝ նախկինում հայտարարված գների բարձրացումից զատ, որն նախատեսվում է ներդնել արդեն առաջիկա ամիսներին:

Հիշեցնենք, որ ավելի վաղ ԱՄՆ նախագահ Դոնալդ Թրամփը հրամանագիր էր ստորագրել կորոնավիրուսի համավարակի պայմաններում դեպի երկիր միգրացիայի ժամանակավոր դադարեցման մասին: Մի քանի ամիս անց Սպիտակ տան ղեկավարը խոստացել էր որոշում կայացնել այս հրամանագրի երկարաձգման կամ մասին: