Էրեխեքին ոչ մեկին չի տա ու իր հետ է տանելու…Սեփական երեխաներին ու ինքնասպան եղած 40-ամյա տղամարդու ընտանեկան լուսանկարները

Երեխաներին 9-րդ հարկից ցած նետած տղամարդը «Մի քանի օր առաջ ասել էր, որ իր էրեխեքին ոչ մեկին չի տա ու իր հետ է տանելու։ Երբ հարցրել էին, թե էլի Ռուսաստան գնալու միտք ունի՞, ասել էր` չէ, ուրիշ տեղ եմ գնալու»:

Sputnik Արմենիայի նկարահանող խումբն այցելել է Երևանի Հարավ–արևմտյան թաղամաս, որտեղ ողբերգություն է տեղի ունեցել։ Հարևանները որոշ մանրամասներ են պատմել 9-րդ հարկից նետված տղամարդու ու նրա ընտանիքի մասին։

«Լավ հայր էր։ Շատ էր սիրում էրեխեքին։ Չեմ պատկերացնում՝ ինչն է եղել այդ քայլի պատճառը։ Երևի պահի տակ է եղել, րոպեական է տեղի ունեցել»,-ասել է հարևաններից մեկը:

Որոշ հարևաններ պատմել են, որ Կարենը լռակյաց ու հանգիստ մարդ էր, ոչ մեկի հետ չէր վիճում և միշտ բարևում էր։

Երեխաները լավն էին, բայց սովորաբար կա՛մ երկուսով էին խաղում, կա՛մ հոր հետ, հարևանների երեխաների հետ գրեթե չէին շփվում։ Հարևանուհիներից ոչ մեկը չի հիշում ընտանիքի մորը, անգամ նրա անունը չգիտեն, ասում են, որ մի երկու անգամ տեսել են, բայց չեն շփվել, ասում են` կինը չէր սիրում տնից դուրս գալ։

«Այդ բնակարանից երբեք կռվի կամ վեճի ձայներ չեն լսվել։ Կարենը չէր ծխում, իսկ խմելու կամ թմրանյութի մասին խոսք անգամ չի կարող լինել»,- պատմել են շենքի կանանցից ոմանք։