Ռուսաստանում կորոնավիրուսի երկրորդ ալիքը կարող է սկսվել աշնանը

Կորոնավիրուսային ինֆեկցիան կարող է անկում ապրել շոգ եւ արեւոտ եղանակի ժամանակ, բայց «Ռոսպոտրեբնադզոր»-ը նախազգուշացնում է այս աշնանը հիվանդության տարածման երկրորդ ալիքի մեծ հավանականության մասին, այս մասին ուրբաթ հաղորդվել է stopkoronavirus.rf ռեսուրսի Telegram ալիքում:

«Մեծ է հավանականությունը կա, որ շոգ եղանակին եւ արեւային ուլտրամանուշակագույն ճառագայթների մեծ քանակության դեպքում կորոնավիրուսով վարակման հաճախականությունը կնվազի, ինչպես եւ` մնացած շնչառական վարակներինը: Ցուրտ եւ անձրեւոտ եղանակին մեր քաղաքացիների` կրթական հաստատություններ կամ աշխատանքի վայրեր վերադառնալու դեպքում աշնանային սեզոնին հիվանդության երկրորդ ալիքի մեծ հավանականություն կա»,- նշվում է հայտարարության մեջ:
Նշվում է, որ կորոնավիրուսի թեստն ախտանիշների բացակայության դեպքում հարկավոր է անցնել միայն վարակվածների հետ շփված մարդկանց կամ շփման հավանականության դեպքում: Գյուղերում եւ հեռավոր բնակավայրերում քաղաքացիները կասկածների դեպքում պետք է զանգահարեն այդ տարածքը սպասարկող պոլիկլինիկա կամ բուժկետ: Բժիշկները կորոշեն ստուգման եւ թեստավորման անհրաժեշտությունը:

Պլանային պատվաստումներ

«Ռոսպոտրեբնադզոր»-ը խորհուրդ է տալիս կորոնավիրուսի տարածման պայմաններում հնարավորինս հետաձգել բոլոր պլանային պատվաստումները: «Համավարակի ժամանակաշրջանում բոլոր պլանային պատվաստումները խորհուրդ են տրվում հնարավորության դեպքում հետաձգել: Պոլիկլինիկա կամ բուժկետ այցելելիս, որտեղ պետք է պատվաստումներ արվեն, կորոնավիրուսով վարակման ռիսկը մեծ է հիվանդների հետ պատահական շփման արդյունքում: Ինչպես նաեւ վարակիչ գործընթացի սկզբնական շրջանում պատվաստանյութի ներարկումը կարող է բարդությունների զարգացման հանգեցնել»,- նշվում է հաղորդագրության մեջ:

Ընդ որում, նշվում է, որ տիզային էնցեֆալիտի բարձր տարածվածությամբ եւ կորոնավիրուսով վարակման դեպքերի փոքր թվով շրջաններում պատվաստում կարելի է անել: Բացի այդ, գերատեսչությունում հավելում են, որ գրիպի կամ թոքաբորբի դեմ պատվաստանյութերի` կորոնավիրուսային վարակի նկատմամբ կանխարգելիչ ազդեցության մասին որեւէ տվյալներ չկան: Գրիպի պատվաստումները պետք է անել ոչ շուտ, քան օգոստոս-սեպտեմբեր ամիսներին: