Պոմպեոն հայտարարել է, որ ԱՄՆ-ն կանի ամեն բան` Իրանին ՌԴ-ից և Չինաստանից զրահատեխնիկա գնել թույլ չտալու համար

Վաշինգտոնը պատրաստ է ցանկացած միջոց ձեռնարկել` զենքի էմբարգոյի ավարտից հետո Թեհրանի կողմից ռուսական կամ չինական զրահատեխնիկայի ձեռք բերումը թույլ չտալու համար: Այս մասին լրագրող Լարս Լարսոնին տված հարցազրույցում հայտարարել է ԱՄՆ պետքարտուղար Մայքլ Պոմպեոն, որի սղագրությունը հրապարակվել է ԱՄՆ արտգործնախարարության մամուլի ծառայության կողմից, փոխանցում է ՏԱՍՍ-ը:

Խոսելով Իրանի իշխանությունների մասին` Պոմպեոն նշել է, որ ԱՄՆ նախագահ Դոնալդ Թրամփի վարչակազմը, «երբ գա այս տարվա հոկտեմբերը, կանի հնարավոր ամեն ինչ, որպեսզի համոզված լինի, որ նրանք չեն կարողանա տանկեր եւ զրահատեխնիկա գնել Ռուսաստանից կամ Չինաստանից»:

Ինչ վերաբերում է էմբարգոյի լրանալուց հետո Իրանի կողմից զենքի ձեռքման հեռանկարներին, ԱՄՆ պետքարտուղարը հավելել է. «Դրականն այն է, որ ՄԱԿ-ի Անվտանգության խորհրդի (ԱԽ) բանաձեւը մեզ հնարավորություն է տալիս համոզվել, որ դա տեղի չի ունենա: Եվ մենք աշխատում ենք մեր չինացի, ռուս, բրիտանացի, ֆրանսիացի գործընկերների հետ Անվտանգության խորհրդում եւ նույնիսկ ավելի լայն` ամբողջ ՄԱԿ-ում` համոզվելու համար, որ նրանք բոլորը համաձայն են թույլ չտալ դա այս տարվա հոկտեմբերի 18-ից»:

The New York Times թերթը ապրիլի 26-ին հայտնել էր, որ ԱՄՆ-ն մտադիր է փորձել ՄԱԿ-ի Անվտանգության խորհրդի կողմից բանաձեւի նախագծի ընդունմանը, որը Թեհրանի նկատմամբ զենքի էմբարգոյի պահպանում է նախատեսում` Իրանի միջուկային ծրագրի վերաբերյալ Համատեղ գործողությունների համապարփակ ծրագրի դրույթների վրա: Մարտի 3-ին Ռուսաստանի արտգործնախարարությունը մեկնաբանությամբ էր հանդես եկել, որում նշել էր, որ ՄԱԿ-ի Անվտանգության խորհրդում զենքի էմբարգոյի երկարաձգման հարց դրված չէ: