Ռեգինա Տոդորենկոն արձագանքել է «Տարվա կին» կոչումից զրկվելուն

Ռեգինա Տոդորենկոն հայտարարել է, որ ռեզոնանսային սկանդալը արմատապես փոխել է իր աշխարհայացքը, այնպես որ այժմ Instagram-ի իր էջը կդառնա ընտանեկան բռնության զոհերի համար հարթակ:

«Ես ցանկանում եմ եւս մեկ անգամ ներողություն խնդրել իմ կոպիտ զզվելի արտահայտության համար։ Ես դեմ եմ ընտանեկան բռնությանը եւ ընդհանրապես ցանկացած բռնությանը», — հավաստիացրել է Վլադ Տոպալովի կինը։

«Орел и решка» հաղորդման նախկին հաղորդավարուհին հայտնել է, որ վերջին մեկ օրվա ընթացքում նա բռնություններից տուժած կանանցից հազարավոր պատմություններ է ստացել, նա կապվել է մի քանի հիմնադրամների ներկայացուցիչների հետ, որոնք աջակցում են տնային բռնության ենթարկված կանանց: Ռեգինան նրանց առաջարկել է համատեղ ջանքերով այդ խնդիրը հասցնել հասարակությանը, իսկ գլխավորն այն վերացնելու ուղղությամբ քայլեր մշակել։

«Այո, ես սխալվեցի։ Բայց ես շնորհակալ եմ իմ հիմար լեզվին, որն օգնեց տասնյակ հազարավոր կանանց արտահայտվել։ Շնորհակալություն, որ ինձ ցույց տվեցիք զազրելի իրողությունները, որոնց մասին ես նույնիսկ չգիտեի իմ անտեղյակության եւ անգրագիտության պատճառով։ Այժմ իմ Instagram-ի հարթակը տուն կդառնա նրանց համար, ովքեր պատրաստ են խոսել ընտանեկան բռնության մասին եւ այլեւս չեն լռում: Կինը նման իրավիճակում օգնության կարիք ունի, այլ ոչ թե շապիկի վրայի աղջկա խորհրդի։ Խնդրում եմ ներել ինձ, եթե նման բանը կարելի է ներել», - գրել է Տոդորենկոն՝ ակնհայտորեն հասկանալով, որ հիմա շատ կանանց մոտ բացասական հույզերից բացի ոչինչ չի առաջացնում։

Հիշեցնենք, որ սկանդալը հասունացել էր հեռուստաաստղի այն խոսքերից հետո, թե կանայք իրենք են մեղավոր, որ իրենց վրա ձեռք են բարձրացնում։

 

 

 

Посмотреть эту публикацию в Instagram

 

 

 

Публикация от Glamour_Russia (@glamour_russia) 25 Апр 2020 в 6:36 PDT

">

Glamour ամսագիրն ի պատասխան կոշտ որոշում է կայացրել եւ հրապարակել է պաշտոնական հայտարարություն, որում ասվում է, որ Տոդորենկոն այլեւս չի կրում «Տարվա կին Glamour» տիտղոսը։