Սեդոկովան «ՎԻԱ Գրա» խմբի և աղջիկների հետ փոխհարաբերությունների մասին

Աննա Սեդոկովան հատնի է դարձել՝ հայտնվելով «ՎԻԱ Գրա» խմբում։ Արիստը խմբի կազմում ընդամենը մի քանի տարի է ելույթ ունեցել, սակայն այդ կազմը՝ Վերա Բրեժնևա, Աննա Սեդոկովա և Նադեժդա Գրանովսկայա, ոսկե են անվանում։ Հենց նրանք են կատարել խմբի ամենահայտնի կոմպոզիցիաները։

Այն ժամանակվանից, երբ Սեդոկովան ռուսական շոու-բիզնեսում անհատական կարիերա է սկսել, խմբում մի քանի աստղ է փոխվել, իսկ հետո պրոդյուսեր Կոնստանտին Մելաձեն ամբողջությամբ թարմացրել է այն։ 

Ըստ տեղեկությունների՝ Սեդոկովայի, Բրեժնևայի և Գրանովկսկայայի հարաբերությունները լարված են եղել։ Օլյա Պոլկակովայի հետ ուղիղ եթերում աստղը պարզաբանել է ամեն ինչ։

«Մենք միմյանց սառը պատերազմ էինք հայտարարել»,- նշել է Աննան։ Արտիստի խոսքով՝ այն շարունակվում է մինչ այժմ։ Սեդոկովան նշել է, որ իրենք կարող են «սիրալի շփվել», միայն երբ հարկավոր է։ Աղջիկների միջև նման հարաբերություններ են սկսվել պրոդյուսեր Կոնստանտին Մելաձեի պատճառով։ Աննայի խոսքով՝ նա դաժան մանիպուլիացիայի է ենթարկել նրանց, ընդ որում ոչ թե որպես արտիստներ, այլ կանայք։ «Շատ ուժեղ մանիպուլիացիա «ով այսօր կդառնա իմ մուսան» մակարդակում»։ Այնպիսի մրցակցություն էր ստեղծվում, որում դու մշտապես պետք է ապացուցեիր, որ ավելի լավն ես»,- նշել է Սեդոկովան։

Երգչուհին կարծում է, որ այժմ «Վիա Գրա»-ի մասին ոչինչ լսելի չէ այն պատճառով, որ Մելաձեն կորցրել է տղամարդկային հետաքրքրությունը վոկալիստների հանդեպ։ Արդեն երկար տարիներ պրոդյուսերը հարաբերություններ ունի Բրեժնևայի հետ։ Սեդոկովան հասկացրել է, որ Բրեժնևային ավելի մեծ մանիպուլյատոր է համարում, քան Մելաձեին։ Աննան ընդգծել է, որ նախկին թիմակիցը սիրում է հանրությանը ցուցադրել, որ պրոդյուսերն իր հետ երջանիկ է։ «Ի՞նչ վեճեր։ Մենք վրացի ենք ու ուկրաինուհի, մեր միջև կիրք է»,- նշել է Սեդոկովան։