на Русском
Գավառի սուբվենցիոն բյուջեն 517 մլն դրամ է. ին... 
Անդրեասյանը հետևել է մանկավարժական աշխատողներ... 
«Իմ շունն Էջմիածնի կեր չի ուտում». Մանվելի դստերը կանգնեցրել են ոստիկանները. Ո՞ր դստեր մասին է խոսքը. «Հրապարակ»
«Հրապարակ» թերթը գրում է.
«Ապրիլի 13-ին զավեշտալի դեպք է տեղի ունեցել Երեւան-Էջմիածին մայրուղում: Ոստիկանները կանգնեցրել են գեներալ Մանվել Գրիգորյանի դստեր ավտոմեքենան, որն ուղևորվելիս է եղել Երևան:
Հարցին, թե ուր է գնում, գեներալի դուստրը պատասխանել է՝ Երևան, շան կեր գնելու: Ոստիկաններից մեկը զարմացել է՝ ինչ է, Էջմիածնում շան կեր չկա՞: Գեներալի դուստրն էլ պատասխանել է՝ իմ շունն Էջմիածնի կերը չի ուտում:
Ի վերջո, ոստիկանները թույլ չեն տվել գուրման շան տիրոջը Երևան գնալ, ու նա ստիպված վերադարձել է Էջմիածին: Թե դուստրերից որն է եղել՝ Այծեմնիկը, Արփենիկը, թե դատավոր Նաիրա Գրիգորյանը, լուրը մեզ փոխանցող քաղաքացին չգիտեր: «Դժվար դատավորը եղած լինի: Բայց կարամ ասեմ, որ ավտոն ջիպ էր»,- ասաց նա:
Մանվել Գրիգորյանի մամուլի հետ կապն ապահովող, ԵԿՄ նախկին խոսնակ Վարդան Վարդանյանն էլ չգիտեր, թե եղե՞լ է արդյոք նման միջադեպ: «Պարոն Գրիգորյանը երեք աղջիկ ունի, բոլորն էլ շատ շներ ունեն, կփորձեմ պարզել»,- ասաց նա: Հետո էլ ասաց՝ չկարողացա պարզել:
Ոստիկանության հասարակության և լրատվության վարչությունից պատասխանեցին, որ հազարավոր մարդիկ են գնում-գալիս Էջմիածնի ճանապարհով. «Ի՞նչ իմանանք, ով ում աղջիկն ա, ով ում տեգոր կինը»:
Առավել մանրամասն՝ թերթի այսօրվա համարում:
