Մեկուսացածների մեջ անհնազանդներ կան. բժիշկներից մեկի վրա փորձել են դանակ հանել. «Հրապարակ»

«Հրապարակ» թերթը գրում է.

«Կորոնավիրուսով հիվանդների, այսպես ասած` կադրային բանկը որտե՞ղ է պահվում՝ հարցրինք խնդրով զբաղվող իշխանական աղբյուրին։ «Առողջապահության նախարարության էլեկտրոնային համակարգում»: Շա՞տ են հիվանդները, մեկուսացվածները: «Եթե մեկուսացվածների մասով ասենք՝ Եր7անում կարանտինի մեջ է մոտ 1000 հոգի, 700-ին մոտ` Ծաղկաձոր-Աղավնաձորում, Տավուշում կան մեկուսացվածներ»:

Բոլորին թեստեր արվե՞լ են։ «Իհարկե, սակայն մեծամասնության մոտ հիվանդության սեգմենտները բացակայում է, 150 հոգուց մոտ 10-12-ն են հաստատվում․ միջին ցուցանիշն այդքան է։

Ավելի նուրբ խնդիր կա, այսպես ասած` փոխհարաբերությունների մասով։ Մարդիկ կան, որ չեն ցանկանում մնալ կարանտինում, մեկուսացմանը չեն դիմանում՝ վիճում են, կոպտում, երբեմն անթույլատրելի վարքագիծ դրսևորում, կա, որ փորձում են փախչել, թույլ չենք տալիս, անգամ բժիշկներից մեկի վրա փորձել էին դանակ հանել, որ թույլ տա դուրս գան․․․»: Նման դեպքերի համար կարծես քրեական պատասխանատվություն է նախատեսվում։ «Պատկերացրեք` կարանտինից այդքան խուսափողների նկատմամբ քրեական պատասխանատվություն սահմանվի, ի՞նչ դուրս կգա»։

Մեկուսանալ չցանկացողները կոնտակտավորների ո՞ր տոկոսն են կազմում։ «Ամեն խմբում հինգ-վեց հոգի լինում են»: Բանը դիվանբաշուն չի՞ հասնում։ «Ոչ, իհարկե, ամեն կերպ փորձում ենք խնդիրը կարգավորել։ Վերջին դեպքն էր դժվար՝ կինը մահացել էր, ամուսինը Ռուսաստանից եկել էր, իրեն իզոլացրել էինք, առավոտյան պետք է ոստիկաններով, կամավորներով մասնակցեր թաղմանը, հոգեբանորեն դժվար վիճակում էր, ոչ ադեկվատ վարքագիծ էր դրսևորում՝ չէր ենթարկվում, ինչն էլ մասամբ հասկանալի էր… էնպես որ` հեշտ չէ»:

Առավել մանրամասն՝ թերթի այսօրվա համարում: