ԱՄՆ 10 նահգապետներ միավորվել են տնտեսության աստիճանական վերականգնումը համակարգելու համար

ԱՄՆ Արեւելյան եւ Արեւմտյան ափերի 10 նահանգների նահանգապետները միավորվել են, որ ներկայացնեն կորոնավիրուսի համավարակի անկումից հետո տնտեսության վերականգնումը համակարգելու երկու տարածաշրջանային համաձայնագիր, հայտնում է Reuters-ը:

Նյու Յորք նահանգի գլխավորությամբ՝ հյուսիսարեւելյան նահանգների նահանգապետների խմբի, ինչպես նաեւ Կալիֆոռնիա, Օրեգոն եւ Վաշինգտոն նահանգների ղեկավարության միության համապատասխան հայտարարությունը բարձրաձայնվել է ԱՄՆ նախագահ Դոնալդ Թրամփի այն հայտարարությունից հետո, որ հատկապես ինքը, այլ ոչ թե նահանգների նահանգապետներն են որոշելու՝ երբ բացել երկրի տնտեսությունը:

Նյու Յորքի նահանգապետ Էնդրյու Կուոմոն հայտնել է, որ ինքը Նյու Ջերսիի, Կոնեկտիկուտի, Դելավերի, Փենսիլվանիայի եւ Ռոդ Այլենդի նահանգապետների հետ համագործակցում է լավագույն ռազմավարությունները մշակելու շուրջ՝ մեղմելու համար մեկուսացման ռեժիմը, որը մեկ ամիս առաջ մտցվել էր կորոնավիրուսի տարածումը կանխելու նպատակով:

Ավելի ուշ Մասաչուսեթս նահանգը հայտարարել է, որ միանում է Արեւելյան ափի նահանգների կոալիցիային:

Բոլոր 10 նահանգների նահանգապետները չեն նշել սոցիալական մեկուսացման ավարտի ստույգ օր:

Ընդ որում՝ նրանք ընդգծել են, որ բիզնեսների, դպրոցների եւ համալսարանների գործունեության վերսկսման մասին որոշումները ընդունվելու են բնակչության առողջության պաշտպանության նպատակով՝ հիմնված ավելի շուտ գիտության, քան քաղաքականության վրա: