ԱՄՆ-ն առաջին տեղում է կորոնավիրուսից մահացության թվով

ԱՄՆ-ը հայտնվել է առաջին տեղում նոր տիպի կորոնավիրուսային վարակի հետեւանքներով առաջացած մահացության թվով, հաղորդում է BBC News-ը։

Վերջին տվյալներով՝ երկրում գրանցված է կորոնավիրուսով վարակման ավելի քան կես միլիոն դեպք։

Ջոն Հոփքինսի համալսարանի տվյալներով՝ ԱՄՆ-ում ավելի քան 20 000 մարդ է մահացել կորոնավիրուսից։

Երկրում պանդեմիայի էպիկենտրոնը Նյու Յորքն է, որտեղ կորոնավիրուսով վարակված է ավելի մեծ թվով մարդ, քան որեւէ այլ երկրում՝ ավելի քան 180 000։

Վերջին տվյալներով՝ աշխարհում նոր տիպի կորոնավիրուսով վարակվել է արդեն 1.7 մլն, իսկ հիվանդության հետեւանքով մահացել՝ 107 000 մարդ։