на Русском
Շարունակում ենք երևանցիների համար նոր հնարավո... 
Հենրիխ Մխիթարյանը սկսել է ինքնակենսագրական գր... 
Կորոնավիրուսը մեզ չի հաղթի. Մեծ Բրիտանիայի թագուհու ուղերձը Զատկի կապակցությամբ
Մեծ Բրիտանիայի թագուհի Ելիզավետա Երկրորդն իր կառավարման պատմության ընթացքում առաջին անգամ ներկայացել է ուղերձով Զատկի կապակցությամբ, գրում է Independent-ը:
Ուղերձում թագուհին, մասնավորապես, նշել է. «Կորոնավիրուսը մեզ չի հաղթի»:
Ելիզավետա Երկրորդը նաեւ նշել է երկրում մեկուսացման ռեժիմի կարեւորությունը Զատկի տոների ժամանակ՝ ընդգծելով. «Միմյանցից հեռու մնալով՝ մենք ապահովում ենք ուրիշների անվտանգությունը»:
Դա Բրիտանիայի թագուհու երկրորդ ուղերձն է կորոնավիրուսի համավարակի ընթացքում:
«Շաբաթ երեկոյան՝ Զատկի նախօրեին, բազմաթիվ քրիստոնյաներ սովորաբար մոմեր են վառում…Դա միջոց է ցույց տալու, որ հաղորդվում է Քրիստոսի Հարության մասին բարի լուրը սերնդեսերունդ առ այսօր:
Այս տարի Զատիկը տարբեր կլինի մեզնից շատերի համար, սակայն միմյանցից հեռավորություն պահելով՝ մենք ապահովում ենք ուրիշների անվտանգությունը: Սակայն Զատիկը չի չեղարկվում: Իրականում մենք, ինչպես երբեք, Զատկի կարիքն ունենք…Մենք գիտենք, որ կորոնավիրուսը մեզ չի հաղթի»,-նշել է Մեծ Բրիտանիայի թագուհին իր ուղերձի ժամանակ:
